tax collection down: चिंता वाढली; टाळेबंदीचा तिजोरीला फटका,कर संकलनात मोठी घट – tax collection deeps as corona pandemic affect economy


वृत्तसंस्था, मुंबई : अग्रिम करासह एकूण प्राप्तिकराचे संकलन चालू आर्थिक वर्षाच्या दुसऱ्या तिमाहीत २२.५ टक्के घसरले आहे. १५ सप्टेंबरपर्यंतच्या उपलब्ध आकडेवारीनुसार, हे संकलन २,५३,५३२.३० कोटी रुपये झाले आहे. प्राप्तिकर विभागाच्या मुंबई क्षेत्राकडून बुधवारी ही माहिती देण्यात आली आहे. याच काळात, १५ सप्टेंबर २०१९ पर्यंत एकूण कर संकलन ३,२७,३२०.२० कोटी रुपये झाले होते. चालू तिमाहीची आग्रिम कराची आकडेवारी मात्र उपलब्ध झालेली नाही.

‘हॅपिएस्ट माइंड्स’ची आज नोंदणी; विश्लेषकांचा अंदाज, मिळणार इतका बंपर नफा
चालू आर्थिक वर्षाच्या जूनमध्ये संपलेल्या पहिल्या तिमाहीअखेर ढोबळ कर संकलन ३१ टक्क्यांनी कमी झाले. अग्रिम कराच्या संकलनात तब्बल ७६ टक्के घसरण झाल्यामुळे त्याचा परिणाम एकूण कर संकलनावर दिसून आला. १५ सप्टेंबरपर्यंत वैयक्तिक करदाते आणि कंपन्या यांनी अग्रिम कर भरणे अपेक्षित होते. या तारखेपर्यंत वैयक्तिक प्राप्तिकर १,४७,००४.६० कोटी रुपये तर कॉर्पोरेशन कर ९९,१२६.२० कोटी रुपये गोळा झाला. यामुळे एकूण कर संकलन २,४६,१३०.८० कोटी रुपये झाले. देशभरातील कर संकलन २२.५ टक्के घसरले असून यामध्ये १३.९ टक्के घसरण मुंबईतून मिळणाऱ्या करामध्ये झाली आहे.

अंबानींचा नवा विक्रम; सर्व सरकारी कंपन्यांपेक्षा रिलायन्सची संपत्ती अधिक
मुंबईची कराची स्थिती
देशात सर्वाधिक कर संकलन एकट्या मुंबईतून होते. देशाची आर्थिक राजधानी अशी ओळख असलेल्या मुंबईतून १५ सप्टेंबरपर्यंत ३४,८०८.८० कोटी रुपये वैयक्तिक प्राप्तिकर आणि ३२,९२१.२० कोटी रुपये कॉर्पोरेट कर गोळा झाला आहे. गेल्यावर्षीच्या तुलनेत हे प्रमाण १३.९ टक्क्यांनी घसरले आहे. मुंबईपेक्षा कोची शहराची स्थिती अधिकच चिंताजनक आहे. या शहराचे करसंकलन ४९ टक्क्यांनी घसरून ३,२१४.७० कोटी रुपये झाले आहे.

शेअर बाजार ; सेन्सेक्स आणि निफ्टीची आगेकूच
बेंगळुरू अव्वल
देशाचे तंत्रज्ञान शहर म्हणून ओळख असलेल्या बेंगळुरूमध्येच कर संकलनात वाढ झाली आहे. गेल्यावर्षीच्या तुलनेत १५ सप्टेंबरपर्यंत यंदा कर संकलन ९.९ टक्के वाढले आहे. राष्ट्रीय कर संकलनामध्ये बेंगळुरूचा वाटा ४०,६६५.३० कोटी रुपयांचा झाला आहे. गेल्यावर्षी या शहराने ३६,९८६ कोटी रुपये कर संकलित केला होता.

प्राप्तिकर विभागाकडून रिफंड
प्राप्तिकर विभागाने देशपातळीवर ३०.९२ लाख करदात्यांना १ एप्रिल ते १५ सप्टेंबर या काळात १.०६ लाख कोटी रुपये रिफंड दिला आहे. यामध्ये २९.१७ लाख वैयक्तिक करदात्यांना ३१,७४१ कोटी रुपये रक्कम परत दिली (रिफंड) आहे. त्याचवेळी १.७४ लाख कॉर्पोरेट करदात्यांना ७४,७२९ कोटी रुपये कर परत देण्यात आला आहे.



Source link

Leave a Reply

Your email address will not be published. Required fields are marked *