honor killing: ऑनर किलिंग: मुलगी बॉयफ्रेंडला मध्यरात्री भेटायला गेली, वडिलांनी दोघांवर घातले कुऱ्हाडीचे घाव – honor killing father killed his daughter and tried to kill her boyfriend in kanpur in uttar pradesh


कानपूर: उत्तर प्रदेशातील कानपूरमध्ये ऑनर किलिंगची घटना उघडकीस आली आहे. तरुणीच्या वडिलांनी तिच्यावर आणि तिच्या बॉयफ्रेंडवर कुऱ्हाडीचे घाव घातले. तरुणीचा जागीच मृत्यू झाला. तर तरूण गंभीर जखमी असून, त्याला रुग्णालयात दाखल करण्यात आले आहे. घटनेनंतर मुलीचा बाप फरार झाला आहे. या घटनेने परिसरात खळबळ उडाली आहे.

मिळालेल्या माहितीनुसार, तरूण आणि तरुणी शेजारीच राहतात. या दोघांची घरे समोरासमोर आहेत. दोघांचे एकमेकांवर प्रेम होते. दीड वर्षापासून त्यांच्यात प्रेमसंबंध आहेत. तरुणी मध्यरात्री आपल्या बॉयफ्रेंडला भेटायला त्याच्या घरी गेली. तरुणाचे वडील याबाबतची तक्रार घेऊन मुलीच्या घरी गेले. यावरून तरुणीचा बाप संतापला. त्याने मुलगी आणि त्या तरुणावर कुऱ्हाडीचे घाव घातले. मुलीचा यात जागीच मृत्यू झाला. तर तरूण गंभीर जखमी झाला. त्याला तातडीने रुग्णालयात दाखल केले आहे. तो मृत्यूशी झुंज देत आहे.

या घटनेची माहिती पोलिसांना मिळताच, वरिष्ठ पोलीस अधिकारी आणि कर्मचारी घटनास्थळी पोहोचले. त्यांची घटनेची चौकशी सुरू केली. मुलीच्या बापाने तिची कुऱ्हाडीचे घाव घालून हत्या केली. शेजारी राहणाऱ्या तरुणावर तिचे प्रेम होते. मारेकरी बापाचा शोध घेण्यात येत आहे, अशी माहिती पोलिसांनी दिली.

आणखी बातम्या वाचा:

करोनामुळे आत्महत्या करत असल्याचे पत्नीला सांगितले, गर्लफ्रेंडसोबत पळाला

पुणे: पोलीस ठाण्यातच कॉन्स्टेबल आणि शिपाई भिडले, फाईलवरून हाणामारी

मुंबई: हॉस्पिटलमध्ये नाइट शिफ्टसाठी जाताना नर्सचा धावत्या ट्रेनमध्ये विनयभंग

मुंबई: करोनाबाधित अल्पवयीन मुलीचा क्वारंटाइन सेंटरमध्ये विनयभंग

कोविड सेंटरमध्ये तरुणीवर बाऊन्सरने केला सलग ३ दिवस बलात्कार



Source link

Leave a Reply

Your email address will not be published. Required fields are marked *