dog kills 12 day old baby: अरेरे! पाळीव श्वानाने १२ दिवसाच्या बालकाचे घेतले प्राण – two people arrested after dog kills 12 day old baby in doncaster


लंडन: अनेकांना मांजर, श्वान पाळायला आवडते. प्राणी पाळण्याचा अनुभव अनेकांचा चांगला असतो. हे प्राणी माणसांसोबत प्रामाणिक आणि अगदी सहजपणे वावरत असतात. काही प्रसंगी श्वानांनी माणसांना मदतही केली असल्याचे किस्से ऐकण्यात आलेले असतात. मात्र, एका कुटुंबासाठी त्यांचा पाळीव श्वान हा धोकादायक ठरला. या पाळीव श्वानाने अवघ्या १२ दिवसांच्या बाळाचे प्राण घेतले.

उत्तर इंग्लंडमधील यॉर्कशायर शहरातील डॉनकास्टर येथे राहणाऱ्या कुटुंबावर हे संकट कोसळले. स्टीफन जोयनेस (३५) आणि अबिगाइल अॅलिस (२७) हे मागील काही दिवसांपासून प्रचंड आनंदात होते. अॅलिसने १२ दिवसांपूर्वीच एका गोंडस बाळाला जन्म दिला. मात्र, त्यांचा आनंद हा फारकाळ टिकला नाही. त्यांनी मागील काही वर्षांपासून पाळलेल्या टॅडी या श्वानाने त्यांच्या १२ दिवसाच्या मुलाचे प्राण घेतले.

वाचा: अरे देवा! माशीला मारण्याच्या नादात घरालाच आग लागली

रविवारी, अॅलिस आणि जोयनेस यांचा १२ दिवसाचा मुलगा झोपला होता. त्याच दरम्यान दोघांचेही लक्ष त्याच्यावरून हटले. त्यावेळी घरासमोरील बागेत खेळणाऱ्या टॅडीने अचानक घरात उडी मारली आणि लहान बाळावर हल्ला केला. मुलाच्या रडण्याचा आवाज ऐकून अॅलिस आणि जोयनेस त्याच्याकडे पोहचेपर्यंत बाळ रक्तबंबाळ झाले होते. उपचारासाठी बाळाला रुग्णालयात दाखल केले. मात्र, डॉक्टरांनी त्याला मृत घोषित केले.

वाचा: अजबच! नाकावरील मुरूम हाताने फोडले आणि मेंदूत झाला संसर्ग

वाचा: कमोडवर नैसर्गिक विधीसाठी बसला पण सापाने गुप्तांगावर चावा घेतला!
घटनेची माहिती समजताच पोलीस घटनास्थळी दाखल झाले. त्यांनी कसेबसे श्वानावर नियंत्रण मिळवले आणि व्हॅनमधून त्याला घेऊन गेले. त्यानंतर या बाळाच्या आई वडिलांना निष्काळजीपणा दाखवल्याबद्दल अटक करण्यात आली. मात्र, त्यांची जामिनावर सुटका करण्यात आली. काही दिवसांपूर्वी अॅलिसच्या वडिलांचे निधन झाले होते. टॅडी श्वान हा साधारणपणे शांत असायचा.



Source link

Leave a Reply

Your email address will not be published. Required fields are marked *