Coronavirus in USA: अमेरिकेत जानेवारी नव्हे ‘या’ महिन्यातच करोनाबाधित रुग्ण! – Coronavirus In Usa Study Says Covid-19 May Have Arrived In Us In December


वॉशिंग्टन: अमेरिकेत करोनाच्या संसर्गाने थैमान घातले आहे. जगभरात अमेरिकेत सर्वाधिक करोनाबाधितांची नोंद करण्यात आली आहे. अमेरिकेत करोनाच्या पहिल्या रुग्णाची नोंद जानेवारी महिन्यात करण्यात आली. मात्र, अमेरिकेत करोनाचा संसर्ग आधीच फैलावला असल्याची माहिती समोर आली आहे. युनिर्व्हसिटी ऑफ कॅलफोर्निया लॉस एंजिल्सच्या (युसीएलए) अभ्यासातून ही बाब समोर आली आहे.

युसीएलएने केलेले संशोधन ‘जर्नल ऑफ मेडिकल इंटरनेट’वर प्रकाशित करण्यात आले आहे. अमेरिकेत करोनाच्या पहिल्या रुग्णाची नोंद जानेवारी २०२० मध्ये करण्यात आली. मात्र, २२ डिसेंबर २०१९ च्या आधीपासून अमेरिकेतील अनेक रुग्णालये आणि दवाखान्यात रुग्णांची संख्या वाढली होती. या रुग्णांना श्वास घेण्यास त्रास जाणवत होता. त्याशिवाय अंगदुखीची तक्रार या रुग्णांनी केली होती. अमेरिकेत जानेवारी २०२० च्या मध्यात चीनच्या वुहानमधून आलेल्या व्यक्तीमध्ये करोनाची लागण झाली असल्याची नोंद करण्यात आली.

वाचा: संकट काळातील मित्र! रशियाकडून भारताला मिळणार लशीचे ‘इतके’ डोस

‘सीएनएन’ने दिलेल्या वृत्तानुसार, हे संशोधन करणाऱ्या डॉ. जोन एल्मोर आणि सहकाऱ्यांनी ‘यूसीएलए आरोग्य यंत्रणेतील सुमारे १० दशलक्ष वैद्यकीय नोंदींचा अभ्यास केला. यामध्ये तीन रुग्णालये आणि १८० दवाखान्यांचा समावेश आहे. त्यांनी सांगितले की, मार्च महिन्यात अनेक रुग्णांनी यूसीएलए क्लिनिक पोर्टलवर खोकला आणि श्वसनाबाबत प्रश्न विचारले होते. या सगळ्यांना खोकल्याचा त्रास जाणवत होता, त्यामुळे कोविडची बाधा झाली असावी अशी शंका या रुग्णांनी उपस्थित केली होती. खोकल्याचा त्रास होत असलेल्या रुग्णांमध्ये ५० टक्क्यांनी वाढ झाली होती. सरासरीपेक्षा जवळपास एक हजारहून अधिक रुग्णांची वाढ दिसून आली असल्याचे त्यांनी सांगितले. श्वास घेण्यास त्रास होत असल्याची तक्रार नोंदवणाऱ्या रुग्णांच्या संख्येत डिसेंबर २०१९ च्या शेवटच्या आठवड्यात वाढ झाल्याकडेही त्यांनी लक्ष वेधले.

वाचा: करोना मानवनिर्मित असल्याचे पुरावे सादर, पण…

वाचा: अमेरिकेतही लवकरच करोनावर लस? ट्रम्प यांचे मोठे वक्तव्य
यातील काहीजणांना ताप आणि इतर काही कारणांमुळे श्वास घेणास त्रास झाला असू शकतो. मात्र, अचानकपणे वाढलेल्या या रुग्णांच्या संख्येकडे दुर्लक्ष करता येणार नसल्याचे त्यांनी सांगितले. युनिव्हर्सिटी हॉस्पिटल्स क्लीव्हलँड मेडिकल सेंटरच्या संसर्गजन्य रोग तज्ज्ञ डॉ. क्लॉडिया होयेन यांनी सांगितले की, अमेरिकेत करोनाची बाधा झालेला पहिला रुग्ण अधिकृतपणे आढळण्याआधीच करोनाचा फैलाव सुरू झाला असावा अशी शक्यता नाकारता येत नाही. डॉ. क्लॉडिया होयेन या संशोधनात सहभागी नव्हत्या.

वाचा: खरंच पाकिस्तानचे करोनावर नियंत्रण की झोलझाल?

तर, इम्यूनोलॉजी आणि मायक्रोबायोलॉजीचे प्राध्यापक क्रिस्टियन अँडरसन यांनी या दाव्याला फेटाळून लावले आहे. नोव्हेंबर-डिसेंबर महिन्यात SARS-CoV2 चा प्रसार चीनमध्ये सुरू झाला असल्याचे समोर आले आहे. डिसेंबर महिन्यात याचा प्रसार व्यापक झाला नव्हता. अमेरिकेत करोनाचा संसर्ग फेब्रुवारी २०२० नंतर अधिकच पसरला असल्याकडे त्यांनी लक्ष वेधले. श्वसनसंबंधी तक्रार नोंदवणाऱ्यांना ताप अथवा इतर कारणांमुळे त्रास होत असावा, असेही त्यांनी म्हटले.



Source link

Leave a Reply

Your email address will not be published. Required fields are marked *