Coronavirus In India: करोनाबाधितांचा आकडा ५१ लाखांच्या पुढे, पुन:संक्रमणाने वाढवली चिंता – coronavirus india updates 17th september 2020


नवी दिल्ली : भारतातील करोना संक्रमणाचा आकडा ५१ लाखांच्या पुढे गेलाय. आरोग्य मंत्रालयानं जाहीर केलेल्या आकडेवारीनुसार, गेल्या २४ तासांत ९७,८९४ नवीन संक्रमित रुग्ण आढळले आहेत तर तब्बल ११३२ जणांच्या मृत्यूची नोंद करण्यात आलीय.

भारतात आत्तापर्यंत आढळलेल्या करोना संक्रमितांची एकूण संख्या ५१ लाख १८ हजार २५४ वर पोहचली आहे. यातील १० लाख ०९ हजार ९७६ रुग्णांवर उपचार सुरू आहेत तर ४० लाख २५ हजार ०८० जण करोना मुक्त झाले आहेत. करोना संक्रमणामुळे देशात आत्तापर्यंत ८३ हजार १९८ जणांनी आपले प्राण गमावले आहेत.

वाचा :केंद्रीय मंत्री नितीन गडकरी करोनाबाधित, ट्विट करून दिली माहिती
वाचा :प्रत्येक तिसऱ्या व्यक्तीमध्ये अँटीबॉडी; लेटेस्ट सेरो सर्व्हेने दिली खुशखबर
फरीदाबादमध्ये करोनामुक्त २३ रुग्ण पुन्हा संक्रमित

भारतात आता एकदा करोनामुक्त झालेले रुग्ण पुन्हा एका करोना संक्रमणाला सामोरे जात असल्याचं समोर येतंय. फरीदाबादमध्ये असे २३ करोना संक्रमित रुग्ण आढळले आहेत जे एकदा करोनामुक्त झालेले आहेत. यामध्ये ईएसआयसी कॉलेजचे आरोग्य कर्मचारी आणि इतर लोकांचा समावेश आहे. करोनामुक्त झाल्यानंतर जवळपास महिनाभरात किंवा ७० दिवसांत हे रुग्ण पुन्हा पॉझिटिव्ह आढळले आहेत. तर २-३ रुग्णांत केवळ २० दिवसांत पुन्हा करोना संक्रमण आढळून आलं आहे. यामुळे आरोग्य यंत्रणेच्या काळजीत भर पडली आहे.

नुकतेच, नोएडा आणि मुंबईमध्ये करोनातून बरे झालेले काही रुग्ण पुन्हा एकदा करोना संक्रमित असल्याचं आढळून आलं आहे. यामध्ये नोएडाच्या दोन तर मुंबईच्या चार आरोग्यसेवेच्या कर्मचाऱ्यांचा समावेश आहे. दिल्लीतल्या सीएसआयआरच्या ‘इन्स्टिट्यूट ऑफ जिमोमिक्स अॅन्ड इंटिग्रेटिव्ह बायोलॉजी’च्या (IGIB) संशोधनात हा खुलासा झालाय.

वाचा :टाटा कंपनी बांधणार संसदेची नवीन इमारत, ८६२ कोटीत जिंकले कॉन्ट्रॅक्ट
वाचा :ढोंगी केंद्राने चीनच्या बँकेकडून कर्ज घेतले, काँग्रेसचा आरोप



Source link

Leave a Reply

Your email address will not be published. Required fields are marked *