Petrol Diesel Price Today – इंधन दर ; जाणून घ्या आजचा पेट्रोल-डिझेलचा भाव


मुंबई : जागतिक बाजारात कच्च्या तेलाच्या किमतींमधील घसरणीमुळे देशांतर्गत इंधन दर स्थिर आहेत. आज बुधवारी पेट्रोलियम कंपन्यांनी पेट्रोल आणि डिझेल दरामध्ये कोणताही बदल केला नाही. दोन दिवसांच्या कपातीनंतर इंधन दर स्थिर आहेत. याआधी मंगळवारी कंपन्यांनी पेट्रोल दरात १७ पैसे आणि डिझेलमध्ये २२ पैशांची कपात केली. तर सोमवारी पेट्रोल १४ पैसे आणि डिझेल १५ पैशांनी स्वस्त झाले होते.

अर्थव्यवस्थेला सावरली ; करोना संकटात मध्यमवर्ग आला धावून
आज इंधन दर स्थिर ठेवल्याने मुंबईत पेट्रोल दर प्रती लीटर ८८.२१ रुपये आहे. तर डिझेल ७९.०५ रुपये झाले आहे. दिल्लीत आजचा पेट्रोलचा भाव ८१.५५ रुपये असून डिझेलचा भाव ७२.५६ रुपये आहे. चेन्नईत पेट्रोल ८४.५७ रुपये असून डिझेल ७७.९१ रुपये झाला आहे. कोलकात्यात पेट्रोल ८३.०६ रुपये आहे. डिझेल ७६.०६ रुपये प्रती लीटरवर कायम आहे.

पेट्रोलियम कंपन्यांनी मागील पाच दिवसांत तीन वेळा इंधन दर कमी केल्यानं ग्राहकांना मोठा दिलासा मिळाला आहे.देशात पेट्रोल आणि डिझेल नियंत्रणमुक्त आहेत. २०१० मध्ये सरकारने पेट्रोल नियंत्रणमुक्त केले होते. तर २०१४ मध्ये डिझेल दर नियंत्रणमुक्त करण्यात आले.१६ मार्चपासून पेट्रोलियम कंपन्यांनी ८३ दिवस पेट्रोल आणि डिझेलचे दर स्थिर ठेवले होते. ३० जुलै रोजी दिल्ली सरकारने डिझेलमध्ये ८.३६ रुपये शुल्क कपात केली. त्यामुळे दिल्लीत डिझेलचा दर प्रती लीटर ७३.५६ रुपये प्रती लीटर झाला होता.

रात्री एटीएममधून पैसे काढताय; ‘SBI’ने घेतलाय हा निर्णय
जगभरातील अनेक मानांकन एजन्सी भारतीय अर्थव्यवस्थेच्या दयनीय स्थितीबाबत सांगत असतानाच मंगळवारी आशियाई विकास बँकेने (एडीबी) भारतीय अर्थव्यवस्था चालू आर्थिक वर्षात उणे ९ टक्क्यांवर जाईल, असे भाकित केले. गेल्या ४० वर्षांत प्रथमच भारतीय अर्थव्यवस्था आक्रसणार असल्याचेही एडीबीने म्हटले आहे.

तेजीची झळाळी कायम ; जाणून घ्या आज किती रुपयांनी महागले सोने
एडीबीने पुढील आर्थिक वर्षात भारतीय अर्थव्यवस्था चांगल्या प्रकारे वाटचाल करेल, असेही आपल्या एशियन डेव्हलपमेंट आऊटलुक या अहवालात नमूद केले आहे. आर्थिक वर्ष २०२१-२२ मध्ये जीडीपी सध्याच्या पातळीपेक्षा ८ टक्क्यांनी वाढेल. माणसांचे चलनवलन आणि व्यावसायिक उलाढाल मोठ्या प्रमाणावर होऊ लागल्यामुळे जीडीपी वाढण्यास मदत मिळणार आहे.

देशातील करोना रुग्णांची अनियंत्रित वेगाने वाढत आहेत. या धोकादायक साथीच्या आजाराचा संसर्ग आतापर्यंत ५० लाखाहून अधिक नागरिकांना झाला आहे. तर ८२ हजाराहून अधिक जणांचा आतापर्यंत करोनाने मृत्यू झाला आहे.देशात करोना रुग्णांची एकूण वाढून ५०,०८,८७८ इतकी झाली आहे. गेल्या २४ तासांत ८१,९६४ नवीन रुग्ण आढळून आले आहेत. त्याच वेळी, करोनामुळे आतापर्यंत ८२,०३८ जणांचा मृत्यू झाला आहे.



Source link

Leave a Reply

Your email address will not be published. Required fields are marked *