Mumbai crime: तरुणीला ‘तो’ इंजिनीअर तरूण करत होता ब्लॅकमेल; एकतर्फी प्रेमातून कृत्य – mumbai crime techie arrested for blackmailing young woman


‌म. टा. खास प्रतिनिधी, मुंबई: मैत्री, एकतर्फी प्रेम आणि मैत्रिणीच्या मित्राविषयी असूया या साऱ्यांतून, बनावट इन्स्टाग्रामवरून तिचे व्हिडीओ सोशल मीडियावर प्रसारित करण्याची धमकी देणाऱ्या एका इंजिनीअर तरुणाला अटक करण्यात आली आहे. अक्षय पवार (२६) असे या आरोपीचे नाव आहे.

बोरिवलीत राहणाऱ्या तरुणीने आपल्याला ब्लॅकमेल केले जात असल्याची तक्रार बोरिवली पोलिस ठाण्यात नोंदविली. त्याचा तपास करताना गुन्हे शाखेच्या युनिट ११ने बनावट इन्स्टाग्राम खात्याची माहिती घेऊन कळव्यात राहणाऱ्या पवार याच्याकडे चौकशी केली. त्यात त्याने रागाच्या भरात तसे पाऊल उचलल्याची कबुली दिली. दोघांची मैत्री २०१३-१४ मध्ये इंजिनीअरिंगचे शिक्षण घेताना झाल्याचे त्याने सांगितले. शिक्षण पूर्ण झाल्यानंतरही ते एकमेकांच्या संपर्कात होते. याच कालावधीत तरुणीने तिच्या इमेलवर ठेवलेली काही छायाचित्रे पवारने मिळविली. त्यात तिच्या मित्रासोबतचे तिचे छायाचित्र पाहताच त्याचे पित्त खवळले. त्याआधारे ब्लॅकमेल करण्यास सुरुवात केली. तरुणीवर सूड उगविण्यासाठी त्याने बनावट इन्स्टाग्रामवरून तरुणीस त्रास देण्यास सुरुवात केली. पण, युनिट ११च्या पथकाने आरोपी पवारला अटक करून त्याचा डाव उधळला. ही कारवाई सहपोलिस आयुक्त (गुन्हे) मिलिंद भारंबे यांच्या मार्गदर्शनाखाली प्रभारी पोलिस निरीक्षक सुनील माने, पोलिस निरीक्षक रईस शेख, सहाय्यक पोलिस निरीक्षक विशाल पाटील, नितीन उतेकर आदींच्या पथकाने केली.

तरुणीची बदनामी

वसई : आक्षेपार्ह व्हिडीओच्या आधारे तरुणीची बदनामी केल्याचा प्रकार नालासोपारा येथे उघडकीस आला आहे. या प्रकरणी पीडित तरुणीने नालासोपारा पोलिस ठाण्यात तक्रार दाखल केली. नालासोपारा पश्चिमेकडील परिसरात राहणाऱ्या ३० वर्षीय तरुणीचे याच परिसरातील एका तरुणाशी प्रेमसंबंध होते. या तरुणाने पीडित तरुणीच्या फोटोंचा व्हिडीओ करून तो टिकटॉकवरून प्रसारित केला.

आणखी बातम्या वाचा:

धक्कादायक! ‘लिव्ह-इन’मध्ये राहणाऱ्या तरुणीवर सामूहिक बलात्कार

जास्त पैसे खर्च केल्याने पतीने हटकले; पत्नीने पळवून पळवून मारले

निवृत्त नौदल अधिकारी मारहाण: ‘त्या’ ६ शिवसैनिकांना पुन्हा केली अटक

धक्कादायक! गर्लफ्रेंडचं डोकं भिंतीवर आपटलं, तरुणाने स्वतःवर झाडली गोळी

श्वानाचे डोळे फोडले; नागपुरातील संतापजनक घटना

Mumbai crime: समलिंगी संबंधांतून BMC कर्मचाऱ्याची हत्या; मृतदेह भिवंडीत पुरला



Source link

Leave a Reply

Your email address will not be published. Required fields are marked *