gold price today: तेजीची झळाळी कायम ; जाणून घ्या आज किती रुपयांनी महागले सोने – Gold And Silver Price Up In Morning Session


मुंबई : मागील दोन आठवडे स्थिर असलेल्या सोने आणि चांदीकडे गुंतवणूकदार पुन्हा आकर्षित झाले आहेत. सलग तिसऱ्या सत्रात कमॉडिटी बाजारात सोने आणि चांदीच्या किमतीत वाढ झाली आहे. पितृपक्ष संपत आला असून सणासुदीचा हंगाम सुरु होणार आहे. या हंगामात बाजारपेठ सावरण्याचा आशावाद सराफा व्यवसायिकांनी व्यक्त केला आहे.

आज बुधवारी मल्टी कमॉडिटी एक्सचेंजमध्ये सोने आणि चांदीने सकाळपासून सकारात्मक सुरुवात केली आहे. सध्या सोन्याचा भाव ९१ रुपयांनी वधारला असून तो ५१८६० रूपये झाला आहे. चांदीचा भाव प्रती किलो ६९०५४ रुपये आहे. मंगळवारी बाजार बंद होताना सोने ३७३ रुपयांनी महागले होते तर चांदीच्या किमतीत ३९० रुपयांची वाढ झाली होती.

अर्थव्यवस्था सावरली; करोना संकटात मध्यमवर्ग आला धावून
मागील दोन सत्रात जागतिक कमॉडिटी बाजारात सोन्याची मागणी वाढली असून सोने दरात वाढ झाली आहे. आज जागतिक बाजारात स्पॉट गोल्डचा भाव प्रती औंस १९५९.९ डॉलर आहे. काही विश्लेषकांच्या मते जागतिक बाजारात सोने १९५५ ते १९४० डॉलरच्या दरम्यान राहील. फेडरल रिझर्व्हच्या बैठकीचा प्रभाव कमॉडिटी बाजारावर राहील.

LIC चे मुल्य ठरवण्यासाठी लागणार ८ महिने; IPO येण्यास लागणार इतका वेळ
goodreturns या वेबसाईटच्या आकडेवारीनुसार बुधवारी मुंबईत २२ कॅरेट सोन्याचा भाव ५०४६० रुपये आहे. २४ कॅरेटसाठी तो ५१४६० रुपये आहे. दिल्लीत २२ कॅरेट सोन्याचा भाव ५०४६० रुपये असून २४ कॅरेट सोन्याचा भाव ५५०४० रुपये आहे. कोलकात्यात २२ कॅरेट सोन्याचा भाव ५०९१० रुपये असून २४ कॅरेट सोन्याचा भाव ५३६१० रुपये आहे. चेन्नईत २२ कॅरेट सोन्याचा भाव ४९५३० रुपये असून २४ कॅरेट सोन्याचा भाव ५४०३० रुपये आहे.

फ्लिपकार्टमध्ये मेगाभरती; ७० हजारांना मिळणार रोजगाराची संधी
कमॉडिटी तज्ज्ञ सांगतात की आठवडाभर सोन्याचा भाव ५१०९०० ते ५२००० रुपयांच्या दरम्यान राहील. आज फेडरल रिझर्व्हची बैठक होणार आहे. या बैठकीत अमेरिकन अर्थव्यवस्था, जागतिक अर्थव्यवस्था, करोना संकट आदी गडामोडींवर प्रामुख्याने चर्च होणार आहे. बैठकीत काय निषन्न होईल याकडे गुंतवणूकदारांचे लक्ष लागले आहे. मात्र अजूनही बाजारावर नफेखोरी पकड आहे. त्यामुळे सोन्यात तेजी आली तरी वरच्या पातळीवर नफावसुली होताना दिसत आहे.



Source link

Leave a Reply

Your email address will not be published. Required fields are marked *