coronavirus updates: करोना मानवनिर्मित असल्याचे पुरावे सादर, पण… – coronavirus updates china virologist li meng yan gave evidence coronavirus born in wuhan lab


बीजिंग: करोनाचा विषाणू मानवनिर्मित असल्याचा दावा चीनमधील विषाणूशास्त्रज्ञ डॉ. ली मेंग यांनी करत खळबळ उडवून दिली होती. आपल्याकडे याचे पुरावेही असल्याचे त्यांनी सांगतिले. डॉ. ली मेंग यांनी आपल्या दाव्याच्या पु्ष्ट्यर्थ एक संशोधन प्रकाशित केले आहे. करोनाचा विषाणू दोन वटवाघळांच्या जेनेटिक मटेरिअलपासून तयार करण्यात आला असल्याचे म्हटले आहे.

हाँगकाँग स्कूल ऑफ पब्लिक हेल्थमध्ये संशोधक असल्याचा दावा करणाऱ्या डॉ. यान यांनी म्हटले की, करोनाचा विषाणूचा स्पाइक प्रोटीन बदलून त्याची निर्मिती करण्यात आली. जेणेकरून हा विषाणू मानवी पेशींमध्ये चिकटून राहिल आणि विषाणूंचा संसर्ग मोठ्या प्रमाणावर होईल. तर, दुसरीकडे शास्त्रज्ञांनी या दाव्यावरच प्रश्नचिन्ह उभे केले आहेत. शास्त्रज्ञांनी डॉ. यान यांच्या संशोधनाला फेटाळून लावले आहे. डॉ. यान यांचा संशोधन निबंध विश्वसनीय नाही. त्यांनी मांडलेले मुद्दे याआधीच अनेक संशोधन निबंधात मांडण्यात आले आहेत. करोना विषाणूचा जन्म वटवाघळांपासून झाला आहे आणि मानवाने हा विषाणू तयार केला आहे, याचा कोणताही पुरावा समोर आला नसल्याचे शास्त्रज्ञांनी म्हटले आहे.

वाचा: वुहानच्या प्रयोगशाळेत करोना विषाणूची निर्मिती; चीनमधून पळालेल्या शास्त्रज्ञाचा दावा

वाचा: ‘करोना तर काहीच नाही, भविष्यात आणखी दोन संकटे येणार’
चीनमधून पळून आलेल्या विषाणूशास्त्रज्ञ डॉ. यान यांचा हे संशोधन/ संशोधन निबंध कोणत्याही वैद्यकीय, वैज्ञानिक नियतकालिकेत प्रकाशित झाला नाही. त्याशिवाय या संशोधनाची कोणीही समिक्षा केली नाही. याचाच दुसरा अर्थ शास्त्रज्ञांनी या संशोधनाची तपासणी केली नाही आणि त्याला मान्यताही दिली नाही.

वाचा: करोना: चीनची मोठी घोषणा; ‘या’ महिन्यात सर्वांसाठी लस उपलब्ध होणार!

वाचा: करोना: अमेरिकेत डिसेंबरमध्ये लस; ‘या’ कंपनीने केला दावा!

दरम्यान, डॉ. यान यांनी काही दिवसांआधीच चीनवर टीका केली होती. वुहानचा मांस बाजार हा एखाद्या पडद्यासारखा वापरण्यात आला आहे. या पडद्यामागे बऱ्याच घडामोडी झाल्या आहेत. हा विषाणू नैसर्गिक नाही. वुहानच्या प्रयोगशाळेतून हा विषाणू बाहेर आला असल्याचाही दावा त्यांनी केला. जीनोमचा सिक्वेन्स हा माणसाच्या बोटांच्या ठश्यासारखा आहे. याआधारावर त्याची ओळख पटवता येऊ शकते. भक्कम पुराव्याच्या आधारे हा विषाणूच्या प्रयोगशाळेतून आला असल्याचे सांगणार असल्याचे त्यांनी म्हटले होते. करोना विषाणूंचा अभ्यास करणाऱ्या पहिल्या काही मोजक्या काही शास्त्रज्ञांपैकी आपण एक असल्याचा दावा त्यांनी केला होता. चीन सरकार आपल्या जीवावर उठले असून हाँगकाँगमधून अमेरिकेत स्थलांतरीत झाले असल्याचे त्यांनी सांगितले होते.



Source link

Leave a Reply

Your email address will not be published. Required fields are marked *