mumbai news News : Coronavirus In Maharashtra: बाप रे! आज महाराष्ट्रात ५१५ करोनाबळी; सांगा या संसर्गासोबत कसं जगायचं? – 20482 new covid 19 cases and 515 deaths reported in maharashtra today


मुंबई : राज्यात करोनाबळींचा आकडा वाढत असताना आज या संख्येने नवा उच्चांक गाठला आहे. आज राज्यात तब्बल ५१५ करोना मृत्यूंची नोंद झाली असून राज्यातील मृतांचा एकूण आकडा आता ३० हजारपार गेला आहे. राज्यात सध्या २.७७ टक्के इतका मृत्यूदर आहे. मृत्यूंचे वाढते प्रमाण हे सर्वांसाठीच चिंतेचा विषय बनला आहे. ( Coronavirus In Maharashtra Latest News )

वाचा: करोना संकटात आणखी दिलासा; ‘ही’ चाचणीही होणार स्वस्त

राज्यात करोना संसर्गाचा कहर कायम आहे. रोजच्या आकडेवारीतून साथ अद्याप नियंत्रणात नसल्याचे स्पष्ट होत आहे. राज्यात सोमवारी दैनंदिन रुग्णवाढीचा आकडा १७ हजार ६६ पर्यंत खाली आला होता. २० हजारी साखळी ब्रेक झाल्याने काहीसा दिलासा मिळाल्याचे बोलले जात होते. मात्र आज पुन्हा एकदा रुग्णसंख्येत मोठी वाढ पाहायला मिळाली आहे. राज्यात आज तब्बल २० हजार ४८२ नवीन रुग्णांची भर पडली आहे. दुसरीकडे आज १९ हजार ४२३ रुग्णांनी करोनावर मात करण्यात यश मिळवले असून या रुग्णांना डिस्चार्ज देण्यात आला आहे. राज्यात आतापर्यंत ७ लाख ७५ हजार २७३ रुग्ण करोनामुक्त होऊन घरी परतले आहेत. राज्यातील रुग्ण बरे होण्याचे प्रमाण (Recovery Rate) सध्या ७०.६२ टक्के इतके आहे.

वाचा: ‘करोना तर काहीच नाही, भविष्यात आणखी दोन संकटे येणार’

राज्यात आतापर्यंत ५४ लाख ९ हजार ६० जणांच्या चाचण्या घेण्यात आल्या असून त्यातील १० लाख ९७ हजार ८५६ चाचण्यांचे अहवाल पॉझिटिव्ह आले आहेत. हे प्रमाण एकूण चाचण्यांच्या २०.२९ टक्के इतके आहे. एकूण रुग्णसंख्या सध्या ११ लाखांच्या उंबरठ्यावर पोहचली असली तरी त्यात २ लाख ९१ हजार ७९७ अॅक्टिव्ह रुग्ण म्हणजेच उपचार घेत असलेले रुग्ण आहेत. करोनाने आतापर्यंत एकूण ३० हजार ४०९ रुग्णांना आपला प्राण गमवावा लागला आहे तर ३७७ रुग्ण अन्य कारणांनी दगावले आहेत.

वाचा: सर्वांपर्यंत लस पोहोचण्यासाठी २०२४ उजाडणार; ‘सीरम’चा दावा

पुणे जिल्ह्यात ८० हजारावर अॅक्टिव्ह रुग्ण

पुणे जिल्ह्यात सध्या सर्वाधिक अॅक्टिव्ह रुग्ण आहेत. पुणे जिल्ह्यातील उपचार घेत असलेल्या रुग्णांचा आजचा आकडा ८० हजार १५२ इतका असल्याचे आकडेवारीत नमूद करण्यात आले आहे. मुंबईत आजचे १५८५ रुग्ण वगळता गेल्या काही दिवसांपासून दररोज दोन हजारावर नवीन रुग्णांची भर पडत आहे. त्यामुळे मुंबईतील अॅक्टिव्ह रुग्णांची संख्या पुन्हा एकदा ठाणे जिल्ह्यापेक्षा अधिक झाली आहे. मुंबई शहर व उपनगरात मिळून सध्या ३० हजार ९३८ अॅक्टिव्ह रुग्ण आहेत तर ठाणे जिल्ह्यात हा आकडा २९ हजार २३९ इतका झाला आहे.

वाचा: गुड न्यूज : बरे झालेल्या रुग्णसंख्येत भारत पहिला

करोना नियंत्रणात येणार?

करोनासोबत जगायला शिकलं पाहिजे, असं आवाहन मुख्यमंत्री उद्धव ठाकरे वारंवार करत आहेत. राज्यात करोनाचा कहर कायम असताना आजपासूनच ‘माझे कुटुंब, माझी जबाबदारी’ ही महत्त्वाची मोहीमही सुरू करण्यात आली आहे. या मोहिमेच्या माध्यमातून महाराष्ट्रात करोना नियंत्रणात आणण्यात यश मिळणार का, या प्रश्नाचे उत्तर येणारा काळच देणार आहे.

वाचा: मोटार वाहन करात ५० टक्के सूट; पाहा कोणाला मिळणार सवलत?



Source link

Leave a Reply

Your email address will not be published. Required fields are marked *