IPL 2020 Latest News: IPL: २१ क्रिकेटपटू कधी येणार, या संघांना कर्णधारांशिवाय खेळावे लागले – ipl 2020 on behalf of ipl-bound australia and english players senior star requests bcci to reduce quarantine duration


नवी दिल्ली: (IPL 2020) जागतिक क्रिकेटमध्ये सध्या इंग्लंड आणि ऑस्ट्रेलिया यांच्यात वनडे मालिका सुरू आहे. या दोन्ही संघातील काही खेळाडू आयपीएलमध्ये खेळणार आहेत.

इंग्लंड आणि ऑस्ट्रेलिया यांच्यातील अखेरचा वनडे सामना उद्या १६ सप्टेंबर रोजी होणार आहे. त्यानंतर या दोन्ही संघातील २१ खेळाडू १७ सप्टेंबर रोजी युएईमध्ये दाखल होतील. या सर्व खेळाडूंचा क्वारंटाइन कारावधी कमी करण्याची मागणी भारतीय क्रिकेट बोर्डाने युएईला केली आहे. हे खेळाडू युएईला पोहोचल्यानंतर त्यांचा क्वारंटाइनचा कालावधी ६ दिवसाच्या ऐवजी ३ दिवस करण्याची मागमी बीसीसीआयने केली आहे. जेणेकरून ते स्पर्धेच्या पहिल्या सामन्यापासून उपलब्ध होतील.

वाचा- IPL 2020: मुंबईच्या खेळाडूंसोबत अर्जुन तेंडुलकर; चाहते म्हणाले हा तर ‘नेपोटिज्म’

सध्याच्या नियमानुसार हे खेळाडू २३ सप्टेंबरपासून आयपीएलमध्ये उपलब्ध राहतील. तर स्पर्धा १९ तारखेपासून सुरू होणार आहे. या २१ पैकी एका खेळाडूने बीसीसीआय अध्यक्ष सौरव गांगुलीनेकडे विनंती केली आहे की त्यांचा क्वारंटाइन कालावधी तीन दिवसांचा करावा. सध्या गांगुली स्पर्धेची तयारी पाहण्यासाठी युएईमध्ये आहे. यासंदर्भात गांगुलीने अधिकृत कोणतीही प्रतिक्रिया दिली नाही. पण सूत्रांनी दिलेल्या माहितीनुसार बीसीसीआयकडून अशी मागणी करण्यात आली आहे.

वाचा- काही कळायच्या आत बोल्ड झाला; पाहा सामन्याचा निकालच बदलणारा Video

ऑस्ट्रेलिया आणि इंग्लंडच्या सर्व खेळाडूंसाठी नियमात बदल करावे अशी मागणी केली जात आहे. हे सर्व खेळाडू आधीपासून जैव सुरक्षित वातावरणात आहेत. ज्यामुळे त्यांना एका जैव सुरक्षिततेतून दुसऱ्या जैव सुरक्षिततेत प्रवेश करण्याची परवानगी द्यावी. हे खेळाडू बायो बबलच्या बाहेर अन्य कोणाशीही संपर्कात नाहीत.

वाचा- बलात्काराच्या धमकीनंतर क्रिकेटपटूच्या पत्नीची कोर्टात धाव; मागितली सुरक्षा

या सर्व खेळाडूंची दर पाचव्या दिवशी करोना चाचणी केली जाते. मालिका झाल्यानंतर ही सर्व जण चार्टर्ड विमानाने युएईमध्ये येणार आहेत. कोलकाता नाइट रायडर्स वगळता सर्व संघांना सहा दिवसाच्या क्वारंटइन कालावधीचा फटका बसू शकतो. कोलकाता संघाची पहिला सामना २३ सप्टेंबर रोजी मुंबई संघाविरुद्ध आहे. राजस्थान संघाचे सर्वात जास्त नुकसान होणार आहे. कारण त्यांना बेन स्टोक्स शिवाय खेळावे लागेल.

वाचा- IPL सोडून गल्ली क्रिकेट खेळत आहेत धोनी आणि रोहित शर्मा; पाहा व्हिडिओ

जर नियमात बदल झाला नाही तर जोफ्रा आर्चर, जोस बटरल आणि स्टीव्ह स्मिथ (राजस्थानचा कर्णधार) सुरुवातीचे सामने खेळू शकणार नाहीत. हैदराबाद संघाला कर्णधार डेव्हिड वॉर्नर आणि जॉनी बेयरस्टो शिवाय पहिला सामना खेळावा लागेल. तर चेन्नई सुपर किंग्जला पहिले दोन सामने जोश हेजलवुड आणि सॅम करन यांच्या शिवाय खेळावे लागतील.



Source link

Leave a Reply

Your email address will not be published. Required fields are marked *