domestic violence: पत्नीवर संशय; माजी नौदल अधिकाऱ्याने बेडरूममध्ये लावले CCTV अन्… – vadodara retired navy officer installed cctv camera in wife bedroom


वडोदरा: पत्नीच्या चारित्र्यावर संशय घेऊन निवृत्त नौदल अधिकारी असलेल्या पतीने तिच्या बेडरूममध्ये सीसीटीव्ही कॅमेरा लावल्याचा धक्कादायक प्रकार घडला आहे. लॉकडाऊनच्या काळात त्याने पत्नीच्या बेडरूममध्ये सीसीटीव्ही कॅमेरे लावले होते. हे प्रकरण सध्या कोर्टात असून, कोर्टाने त्याला चांगलाच दणका दिला आहे. कॅमेरे हटवण्याचेच नाही तर, दर महिन्याला भरपाई म्हणून ४० हजार रुपये देण्याचे आदेश त्याला कोर्टाने दिले आहेत.

४३ वर्षीय निवृत्त नौदल अधिकारी आपल्या पत्नीवर संशय घेत होता. दारू पिऊन आल्यानंतर तिला नेहमी मारहाण करत होता. मारहाणीचा कोणताही पुरावा नको म्हणून घरात लावलेले सीसीटीव्ही कॅमेरे बंद करत असे. कोर्टाने या प्रकरणी झालेल्या सुनावणीत सीसीटीव्ही कॅमेरे काढण्याचे अंतरिम आदेश दिले होते.

कोविडच्या काळात मार्चअखेरीस महिला वडोदरा येथून मुंबईला राहायला आली होती. ती आपल्या दोन मुलांसोबत राहत होती. २० मे रोजी निवृत्त नौदल अधिकारी असलेल्या तिच्या पतीने वडोदरातील घरातील बेडरूममध्ये सीसीटीव्ही कॅमेरे लावले. मात्र, तिला आणि मुलीला त्यामुळे घरात वावरणं कठीण होऊ लागले. त्यांनी सीसीटीव्ही कॅमेरे काढावेत अशी विनंती त्याला केली. काही दिवसांनी महिला वडोदराला त्याच्याकडे गेली असता, त्याने शिवीगाळ केली आणि तिचा मोबाइलही फोडला. त्यानंतर तिने पोलीस ठाणे गाठले. त्यानंतर त्याने तिचे आधारकार्ड, पासपोर्ट आणि इतर कागदपत्रे ताब्यात घेतली. ती पुन्हा पोलीस ठाण्यात गेली. मात्र, पोलिसांनी त्याच्याविरोधात गुन्हा नोंदवला नाही. एप्रिल ते जून या तीन महिन्यांच्या कालावधीत त्याने छळवणूक केल्याची तक्रार तिने केली.

पती मारहाण करत असल्याचे तिने तक्रारीत म्हटले आहे. घरातील कॅमेरे बंद करून तो तिला मारहाण करत असे. अखेर तिने कोर्टात धाव घेतली. पतीपासून संरक्षण मिळावे अशी मागणी तिने वकिलांमार्फत केली होती. तसेच मुलांना आणि तिला खर्चासाठी पैसे देण्यात यावेत अशी मागणी केली. कोर्टाने घरातील सीसीटीव्ही कॅमेरे काढण्यासह दर महिन्याला तिला ४० हजार रुपये देण्याचे आदेश दिले.

आणखी बातम्या वाचा:

निवृत्त नौदल अधिकारी मारहाण: ‘त्या’ ६ शिवसैनिकांना पुन्हा केली अटक

धक्कादायक! गर्लफ्रेंडचं डोकं भिंतीवर आपटलं, तरुणाने स्वतःवर झाडली गोळी

श्वानाचे डोळे फोडले; नागपुरातील संतापजनक घटना

Mumbai crime: समलिंगी संबंधांतून BMC कर्मचाऱ्याची हत्या; मृतदेह भिवंडीत पुरला



Source link

Leave a Reply

Your email address will not be published. Required fields are marked *