Covid patients died: सांगलीत करोनाचा कहर; १४ दिवसातील मृतांचा ‘हा’ आकडा चिंता वाढवणारा – 398 covid patients died in sangli within 14 days


सांगली: करोना संसर्गाचा हॉटस्पॉट बनलेल्या सांगली जिल्ह्यात रुग्णांच्या संख्येसह करोनाबळींची संख्या झपाट्याने वाढत आहे. गेल्या १४ दिवसात जिल्ह्यात तब्बल ३९८ रुग्णांनी उपचारादरम्यान आपला जीव गमावला. चिंताजनक रुग्णांची संख्या हजारापर्यंत पोहोचली आहे. आवश्यक सुविधांअभावी करोनाबळींची संख्या आणखी वाढण्याचा धोका निर्माण झाला आहे. जिल्ह्यातील वाढत्या मृत्यूदरामुळे आरोग्य यंत्रणांचे अपयश स्पष्ट झाले आहे.

सांगली जिल्ह्यातील करोनाचा उद्रेक हाताबाहेर गेल्याची स्थिती आहे. गेल्या १४ दिवसात जिल्ह्यात रुग्णांच्या संख्येत जवळपास दुप्पट वाढ झाली. करोनाबळी आणि चिंताजनक रुग्णांची संख्या नियंत्रणात ठेवण्यातही आरोग्य यंत्रणा अपयशी ठरल्या आहेत. ३१ ऑगस्टला जिल्ह्यात एकूण १२ हजार २९४ रुग्णांची नोंद झाली होती. १४ सप्टेंबरला २४ हजार ३९ रुग्णांची नोंद झाली. अवघ्या १४ दिवसात ११ हजार ६४५ रुग्ण वाढले. विशेष म्हणजे १४ दिवसात जिल्ह्यात उपचारादरम्यान ३९८ रुग्ण दगावले. ३१ ऑगस्टला करोनाबळींची संख्या ४९५ होती, तर १४ सप्टेंबरला बळींची संख्या ८९३ वर पोहोचली. सध्या ९७९ चिंताजनक रुग्ण आहेत. गंभीर रुग्णांसाठी पुरेशा सुविधा उपलब्ध नसल्याने मृत्यूदर आणखी वाढण्याचा धोका निर्माण झाला आहे.

करोना संसर्ग रोखण्यासाठी जिल्हाधिकारी डॉ. अभिजीत चौधरी यांनी जनता कर्फ्यूचे आवाहन केले होते. मात्र, नागरिकांनी याकडे दुर्लक्ष केले. महापालिका क्षेत्रातील गर्दी कमी करण्यासाठी आयुक्तांनी आठवडा बाजार बंद केला. फेरीवाल्यांनाही एकाच ठिकाणी थांबून वस्तूंची विक्री करण्यास मज्जाव केला आहे. रस्त्यावर विनाकारण फिरणा-या लोकांवर पोलिसांकडून दंडात्मक कारवाया सुरू आहेत. या उपाययोजनांनंतरही रस्त्यांवर गर्दी दिसत आहे. जिल्ह्यातील अपुऱ्या आरोग्य सुविधा, ऑक्सिजन आणि व्हेंटिलेटर खाटांची कमतरता लक्षात घेऊन नागरिकांनी स्वतःहून खबरदारी घ्यावी, असे आवाहन पालकमंत्री जयंत पाटील यांनी केले होते. याकडेही नागरिकांनी दुर्लक्ष केल्याचे दिसत आहे. नागरिकांच्या बेफिकीरीमुळे संसर्गाचा स्फोट होण्याचा धोका निर्माण झाला आहे. वेळीच परिस्थिती नियंत्रणात न आल्यास सांगलीत लोकसंख्येच्या तुलनेत सर्वाधिक करोनाबाधित रुग्ण दगावू शकतात, अशी भीती व्यक्त केली जात आहे.

करोना: चीनची मोठी घोषणा; ‘या’ महिन्यात सर्वांसाठी लस उपलब्ध होणार!

करोना: तोंडावाटे आणि नाकातून देण्यात येणारी लस प्रभावी ठरणार!

६७३४ रुग्णांवर घरातच उपचार

जिल्ह्यात सध्या ९००२ रुग्ण आहेत. यातील ६३६ रुग्ण सरकारी उपचार केंद्रांमध्ये आहेत, तर ग्रामीण रुग्णालयांमध्ये ३४७ रुग्ण आहेत. जिल्हा प्रशासनाने अधिगृहित केलेल्या खासगी रुग्णालयांमध्ये १२८५ रुग्ण आहेत. खाटांअभावी ६७३४ रुग्णांवर त्यांच्या घरीच उपचार सुरू असल्याची माहिती जिल्हा शल्यचिकित्सक डॉ. संजय साळुंखे यांनी दिली.

करोना: रशिया, चीननंतर ‘या’ देशाने दिली लस वापराला मंजुरी



Source link

Leave a Reply

Your email address will not be published. Required fields are marked *