coronavirus in maharashtra: Coronavirus In Maharashtra: राज्यात ऑक्सिजनचं टेन्शन दूर; ठाकरे सरकारने काढला ‘हा’ अध्यादेश – vehicles carrying oxygen to be treated as ambulance in maharashtra


मुंबई:कोविड-१९ उपचारांत रुग्णांसाठी अत्यावश्यक अशा ऑक्सिजनची वाहतूक करणाऱ्या वाहनांना रुग्णवाहिकेचा दर्जा देण्याचे मुख्यमंत्री उद्धव ठाकरे यांनी निर्देश दिले होते. त्यानुसार या वाहनांना रुग्णवाहिकेसारखा दर्जा देण्याची अधिसूचना गृह विभागाने सोमवारी जारी केली आहे. त्यामुळे आता वैद्यकीय ऑक्सिजनची वाहतूक करणाऱ्या या वाहनांवर सायरन असणार तसेच या वाहनांची वाहतूक रोखता येणार नाही. ( Coronavirus In Maharashtra Latest News )

वाचा: राज्यात शुभसंकेत; करोना बाधितांचा आकडा ५ हजारांनी आला खाली

राज्यात ऑक्सिजन अभावी आतापर्यंत अनेक करोना बाधित रुग्णांना प्राणास मुकावे लागले आहे. ही बाब गांंभीर्याने घेत सरकारने ठोस पावले टाकली आहेत. त्याचाच भाग म्हणून करोना बाधित रुग्णांवर वेळेत उपचार करण्यासाठी रुग्णालयांमध्ये ऑक्सिजन वायूचा पुरवठा सहजपणे उपलब्ध व्हावा यासाठी आपत्ती व्यवस्थापन अधिनियम आणि साथ रोग अधिनियमाच्या विविध कलमांन्वये या वाहनांना रुग्णवाहिकेचा दर्जा देण्यात आला आहे. त्यानुसार आपत्ती काळात पुढील एक वर्षासाठी वैद्यकीय कारणास्तव वापरल्या जाणाऱ्या ऑक्सिजन वायूची वाहतूक करणाऱ्या वाहनांना रुग्णवाहिका समकक्ष वाहन तसेच आपत्ती व्यवस्थापन कर्तव्यार्थ वाहन म्हणून समजण्यात येणार आहे. अशा वाहनांना केंद्रीय मोटार वाहन नियम लागू करण्यात येत आहे, असे गृह विभागाने काढलेल्या अधिसूचनेत नमूद करण्यात आले आहे.

वाचा: करोनाविरुद्धचा लढा नक्की जिंकू; मुख्यमंत्र्यांनी सांगितला ‘हा’ मंत्र

दरम्यान, मुख्यमंत्री उद्धव ठाकरे यांच्यासोबत झालेल्या बैठकीतही याबाबत चर्चा झाली होती. ऑक्सिजन वाहून नेणाऱ्या टँकर्सना आपत्कालीन वाहनांचा दर्जा देण्याचा निर्णय झाला असून त्यावर सायरन असतील. या टँकसची वाहतुक रोखू नये असे नमूद करताना दिवसा देखील त्यांची वाहतूक शहरांत सुरू राहील असे अतिरिक्त मुख्य सचिव आशिष कुमार सिंह यांनी सांगितले होते. आरोग्य विभागाचे प्रधान सचिव डॉ. प्रदीप व्यास यांनी बैठकीत महत्त्वाची माहिती दिली होती. राज्यात सध्या १००० मेट्रिक टन ऑक्सिजन उतपादन होते. मात्र गरज ५०० मेट्रिक टन इतकी आहे. सध्या ऑक्सिजनचे उत्पादन पुरेसे असले तरी पुढील काळात अधिक गरज भासू शकते. त्यामुळे जिल्ह्यांनी त्यांना लागणारी ऑक्सिजनची मागणी व्यवस्थित आणि पाहिजे तेवढीच नोंदवावी. राज्यस्तरिय नियंत्रण कक्ष यासाठी सुरू करण्यात आला असून त्यांच्या संपर्कात राहावे. ऑक्सिजनचा नेमका किती उपयोग केला जातोय त्याचे दररोज ऑडिट करावे व अपव्यय टाळावा, असे प्रदीप व्यास यांनी नमूद केले होते.

वाचा: सावधान! धारावीत करोनाचा संसर्ग वाढतोय; ‘हा’ आकडा चिंता वाढवणारा



Source link

Leave a Reply

Your email address will not be published. Required fields are marked *