alappuzha beach: समुद्रकिनारी सेल्फी काढण्यात आई दंग; लाट आली अन् डोळ्यांदेखत मुलगा वाहून गेला – kerala two and half year old boy went missing at alappuzha beach while his mother was taking selfies


अलप्पुझा: केरळमधील अलप्पुझा समुद्रकिनारी रविवारी दुपारी एक दुर्दैवी घटना घडली. समुद्रकिनारी आईसोबत गेलेला अडीच वर्षांचा मुलगा वाहून गेला. घटना घडली तेव्हा त्या मुलाची आई मोबाइलमध्ये सेल्फी काढण्यात दंग होती. आदिकृष्णा असं या मुलाचं नाव आहे.

पलक्कडमध्ये हे कुटुंब राहतं. पोलिसांनी दिलेल्या माहितीनुसार, अनिता मौली ही दोन दिवसांपूर्वी आपल्या मुलांना आणि भावाच्या मुलाला घेऊन अलप्पुझा येथे नातेवाईकांच्या घरी गेली होती. तिथे एक लग्नसोहळा होता. रविवारी दुपारी साधारण अडीच वाजता बीनू अनिता मौली आणि तिच्यासोबतच्या तीन मुलांना घेऊन अलप्पुझा समुद्रकिनारी फिरायला गेली होती. त्यावेळी समुद्र खवळलेला होता. जोराच्या लाटा उसळत होत्या. त्यामुळे तिथे तैनात जीवरक्षकांनी त्यांना मुख्य तटावर जाण्यास मनाई केली. त्यानंतर ते अलप्पुझा ईएसआय हॉस्पिटलच्या जवळील किनारी गेले.

बीनू कार पार्क करण्यासाठी गेल्या. अनिता मौली किनाऱ्यावर उभ्या राहून मुलांसोबत सेल्फी काढत होत्या. अचानक जोराची लाट आली. ते सर्व त्यात अडकले. अनिता मौली यांच्या हातून अडीच वर्षांचा मुलगा आदिकृष्णा सुटला. बीनू यांनी अनिता आणि इतर दोन मुलांना वाचवलं. तर आदिकृष्णा वाहून गेला. सरकारी आदेशांचे उल्लंघन करून मुलांना समुद्रकिनारी नेणाऱ्यांवर कारवाई करण्यात यावी, असे जिल्हा बालकल्याण समितीने पोलिसांना सूचवले आहे.

आणखी बातम्या वाचा:

धक्कादायक! कोविड सेंटरमध्ये तरुणीवर बाऊन्सरने केला सलग ३ दिवस बलात्कार

पुणे: भररस्त्यात कोयत्याने केक कापणे आलं अंगलट

संतापजनक! व्हिडिओ बनवण्यासाठी तरुणानं कुत्र्याला तलावात फेकलं

रात्रीची वेळ, सर्वत्र सामसूम अन् अचानक सुरू झाला गोळीबार, नागपूर हादरले

हृदयद्रावक! ३ वर्षीय चिमुरडीला निर्दयी बापानं जमिनीवर आपटलं; जागीच मृत्यू



Source link

Leave a Reply

Your email address will not be published. Required fields are marked *