Uttar Pradesh crime: प्रेमविवाह केला, वडिलांनी मुलीच्या पतीची केली हत्या, संसारच झाला उद्ध्वस्त – uttar pradesh crime police woman commits suicide after her father killed her husband in fatehpur


सुमित शर्मा, कानपूर: खोट्या प्रतिष्ठेने एक कुटुंब उद्ध्वस्त झालं. बालपणीच्या प्रेमकहाणीचा इतका भयानक अंत होईल, असा विचारही कुणी केला नसेल. महिला शिपायाच्या पतीची १५ दिवसांपूर्वी तिच्या डोळ्यांदेखत चाकूने भोसकून हत्या करण्यात आली. पतीच्या हत्येनंतर दुःखात बुडालेल्या महिला शिपायाने गुरुवारी रात्री आत्महत्या केली. या घटनेने संपूर्ण गावात हळहळ व्यक्त केली जात आहे. महिला शिपायाचा पाच महिन्यांचा मुलगा आहे. त्याचे डोळे आपल्या आईला शोधत आहेत. हे दृश्य पाहून गावकऱ्यांना रडू अनावर होत आहे.

फतेहपूरच्या कल्याणपूर पोलीस ठाण्याच्या हद्दीतील गौसपूर गावातील रिंकी राजपूत (वय २५) उत्तर प्रदेश पोलीस दलात शिपाई म्हणून २०१८ मध्ये रुजू झाली. रिंकी ही जालौन येथे तैनात होती. रिंकीने दोन वर्षांपूर्वी आपल्या बालपणीचा मित्र मनीष लोधी याच्याशी जालौनच्या एका मंदिरात लग्न केलं होतं. त्यानंतर ते दोघेही जालौनच्या शिवपूर परिसरात ५ महिन्यांच्या मुलासह राहत होते.

रिंकीचे कुटुंबीय या लग्नाने नाखूश होते. रिंकीचे वडील प्रेम सिंह, भाऊ अंकित आणि मामा देशराज यांनी २७ ऑगस्ट रोजी घरात घुसून तिच्या डोळ्यांदेखत मनीषची निर्घृण हत्या केली. या घटनेत पोलिसांनी तीन आरोपींना अटक केली होती. पतीच्या हत्येनंतर रिंकी पाच महिन्यांच्या मुलाला घेऊन फतेहपूर येथील गौसपूर येथे सासरी आली होती. मनीषच्या आई-वडिलांनी रिंकी आणि मुलाला त्यांच्या एका नातेवाईकाच्या गावात पाठवले. तिथे रिंकीने गुरुवारी रात्री आत्महत्या केली.

रिंकीने आत्महत्येपूर्वी एक चिठ्ठी लिहिली होती. मला माफ करा, मी माझ्या पतीकडे जात आहे. माझ्या पतीचे मारेकरी असलेले वडील, भाऊ आणि मामाला कठोर शिक्षा करा. ते कोणत्याही परिस्थितीत सुटू नयेत, असे चिठ्ठीत लिहिले होते. दरम्यान, रिंकीचा मृतदेह विच्छेदनानंतर गावात आणण्यात आला. त्याचवेळी पाच महिन्यांच्या मुलाला पाहून गावकऱ्यांच्या डोळ्यांतून पाणी वाहू लागले. मनीष आणि रिंकीचे कुटुंब गौसपूर गावातच राहतं. ते दोघेही बालपणीचे मित्र होते. रिंकी नोकरीला लागण्याआधी त्यांची आर्थिक परिस्थिती बेताची होती. कुटुंबीयांनाही या दोघांच्या प्रेमसंबंधांबद्दल माहिती होते. रिंकीला नोकरी लागल्यानंतर कुटुंबीयांनी त्यांच्या प्रेमाला विरोध केला. रिंकीने मनीषला जालौनला बोलावलं आणि तिथे एका मंदिरात लग्न केलं. त्यानंतर ते दोघेही जालौनमध्येच राहत होते.

आणखी बातम्या वाचा:

होम क्वारंटाइनचा बहाणा; ‘शौकीन’ पतीला पत्नीने तरुणीसोबत रंगेहाथ पकडले

पिंपरी: ऑक्सिजन सिलिंडरचा टेम्पो पळवला, करोना संकटात टंचाई असताना झाली चोरी

धक्कादायक! ऑनलाइन क्लास सुरू असताना शिक्षकाने विद्यार्थिनीला पाठवले अश्लील फोटो

अनैतिक संबंधांत पतीचा अडथळा, पत्नीनं डोक्यात दगड घातला



Source link

Leave a Reply

Your email address will not be published. Required fields are marked *