Uddhav Thackeray: uddhav thackeray : मुख्यमंत्र्यांच्या भाषणात ‘दिलासा’ कमी, ‘खुलासे’ अधिक; भाजपची खोचक टीका – bjp mla atul bhatkhalkar slams cm uddhav thackeray speech


मुंबई: मुख्यमंत्री उद्धव ठाकरे यांनी आज जनतेशी संवाद साधताना करोनाच्या अनुषंगाने अनेक गोष्टींवर भाष्य केलं. पण मुख्यमंत्र्यांचं हे भाषण भाजपला काही रुचलेलं दिसलं नाही. भाजपने या भाषणावर टीका केली असून मुख्यमंत्र्यांच्या भाषणात दिलासा कमी आणि खुलासेच अधिक असतात, अशी टीका भाजपने केली आहे.

भाजपचे आमदार अतुल भातखळकर यांनी ट्विटरवरून मुख्यमंत्री उद्धव ठाकरे यांच्यावर निशाणा साधला आहे. घरी बसून वैताग आला की थोडा चेंज, थोडा विरंगुळा म्हणून मुख्यमंत्री ‘कॅमेऱ्या’ समोर येत असावेत. कारण त्यांच्या भाषणात मरण यातना भोगणाऱ्या मराठी माणसांसाठी दिलासा कमी आणि खुलासे जास्त असतात, अशी टीका भातखळकर यांनी केली आहे.

काही लोक महाराष्ट्राला बदनाम करत आहेत, हा मुख्यमंत्र्यांचा आरोप भातखळकर यांनी खोडून काढला. महाराष्ट्राला बदनाम मुख्यमंत्रीच करत आहेत. राज्यात लोकांचा मृत्यू होत आहे. पत्रकार दगावत आहेत. महाराष्ट्र देशात करोनाची कॅपिटल झाली आहे, ही महाराष्ट्राची बदनामी नाही तर काय आहे?, असा सवाल भातखळकर यांनी केला आहे. वृद्ध नौदल अधिकाऱ्याला केलेली मारहाण आणि त्याचे निलाजरे समर्थन ही पापे केल्यानंतर बदनामी करायला दुसरे कुणी कशाला हवे? आपले प्रवक्ते त्यासाठी एकटे पुरेसे आहेत, असा संतापही त्यांनी व्यक्त केला आहे.

महाराष्ट्राला नाहक बदनाम कुणीही करत नाही, ठाकरे सरकारचा चेहरा मात्र काळा ठिक्कर झाला आहे, तोही तुमच्या स्वतःच्या कर्माने. तुम्ही म्हणजे महाराष्ट्र नाही. बरेच महिने घरी बसून तसा गैरसमज झाला असेल तर तो घरबसल्याच दूर करा, असा चिमटाही भातखळकर यांनी मुख्यमंत्र्यांना काढला आहे. तसं ट्विटच त्यांनी केलं आहे.

सीएम ‘मातोश्री’बाहेर पडत नाहीत; मुख्यमंत्र्यांनी विरोधकांना दिलं ‘हे’ उत्तर

सरकार पाठिशी असताना मोर्चे, आंदोलने कशाला?: मुख्यमंत्री

मुख्यमंत्री काय म्हणाले होते?

>> सारे काही खुले करतो आहोत म्हणजे काही जणांनी पुनश्च राजकारण सुरू केले आहे. मी काही बोलत नाही याचा अर्थ असा नाही की माझ्याकडे काही उत्तर नाही. पण महाराष्ट्राच्या बदनामीचा जो काही डाव टाकला जात आहेत, राजकारण केले जात आहे त्यावर मी कधीतरी मुख्यमंत्रीपदाचा मास्क काढून नक्की बोलेल. पण आज माझ्या दृष्टीने करोना महत्वाचा आहे.

>> मी पूर्वी म्हटले होते की तुम्ही खबरदारी घ्या, आम्ही जबाबदारी घेतो. यात आता मी थोडा बदल करून तुम्ही थोडी जबाबदारी घ्या, असे आवाहन करतो आणि ती तुम्ही घेतलीच पाहिजे.

>> करोनाचे औषध कधी येणार ? असा प्रश्न विचारला जातोय पण डिसेंबर-जानेवारीपर्यंत ते काही होणार नाही असे दिसते. तोपर्यंत सर्वांनी सदा सर्वदा मास्क लावावा, गर्दी करायची नाही. आवश्यक नसेल तर घराबाहेर पडू नका. गर्दीत अंतर ठेवायचे, हात सतत धूत राहणे. सध्या ही त्रिसूत्री हाच विषाणूपासून लांब राहण्याचा उपाय आहे.

>> ‘माझे कुटुंब, माझी जबाबदारी’मध्ये आपण १२ कोटी जनतेची आरोग्य चौकशी करतो आहोत. आपला प्रयत्न असा आहे की, महाराष्ट्रातील प्रत्येक घरात दोन वेळा तरी आरोग्य टीम जाईल. प्रत्येक नगरसेवकाने आपापल्या वॉर्डची जबाबदारी घ्यावी. लोकप्रतिनिधींनी मतदारसंघांची जबाबदारी घ्यावी. घरोघर आरोग्य चौकशी केली जाईल. आपल्याकडे ५० ते ५५ वयापेक्षा मोठे कोण आहेत? व्याधी आहेत का?, प्रत्येकाची ऑक्सिजन पातळी काय तसेच इतरही आरोग्याच्या बाबी पाहिल्या जातील. एकूणच काय ‘चेस दि व्हायरस’ मोहिमेचेच हे रूप आहे.

‘मुख्यमंत्रिपदाचा मास्क बाजूला ठेवून महाराष्ट्राच्या बदनामीबद्दल बोलणार’



Source link

Leave a Reply

Your email address will not be published. Required fields are marked *