sushant singh rajput case: Sushant Singh Rajput Case: रियाच्या अडचणी वाढल्या; आणखी एक बडा मासा गळाला! – sushant singh rajput case ncb arrests karanjeet alias kj in connection with drug peddling


मुंबई: अभिनेता सुशांतसिंह राजपूत मृत्यू प्रकरणात ड्रग्ज कनेक्शन पुढे आल्यानंतर सुशांतची गर्लफ्रेण्ड अभिनेत्री रिया चक्रवर्तीला अटक करण्यात आली. त्यानंतर रियाच्या तपासात या प्रकरणात अनेक महत्त्वाचे धागेदोरे नार्कोटिक्स कंट्रोल ब्युरोच्या (NCB) हाती लागले असून त्याआधारे आज आणखी एक मोठी कारवाई करण्यात आली आहे. ड्रग्ज कनेक्शनमध्ये एक बडा मासा एनसीबीच्या गळाला लागला आहे. ( Sushant Singh Rajput Case Latest News )

वाचा: बॉलिवूड हादरलं;NCBच्या चौकशीत रियाने घेतली सारा अली खानसहित ‘या’ सेलिब्रिटींची नावं

एनसीबीने धडक कारवाई करत करनजीत नावाच्या व्यक्तीला अटक केली असून ड्रग्जच्या विश्वात तो ‘केजे’ या नावाने प्रसिद्ध असल्याचे सांगण्यात येत आहे. करनजीत हा कॅपरी आणि लिटिल हाइट्स हे ड्रग्ज सप्लाय करायचा अशी माहिती हाती आली आहे. सुशांत-रिया ड्रग्ज कनेक्शनमध्ये करनजीत हा महत्त्वाचा दुवा असल्याचे पुरावे हाती लागत आहेत. करनजीत सॅम्युअल मिरांडा आणि रियाचा भाऊ शौविक चक्रवर्तीला ड्रग्ज सप्लाय करायचा आणि त्यांच्यामार्फत ड्रग्ज रिया आणि सुशांतपर्यंत पोहचतं व्हायचं असंही, एनसीबीच्या तपासात पुढे आलं आहे.

वाचा: कंगनाचं ड्रग्ज कनेक्शन? ‘त्या’ व्हिडिओमुळे गृहमंत्र्यांचे मुंबई पोलिसांना चौकशीचे आदेश

करनजीतची सध्या कसून चौकशी सुरू आहे. रियाचा भाऊ शौविकशी त्याचं थेट कनेक्शन असल्याचं स्पष्ट झाल्याने त्याच्या तपासात महत्त्वाची माहिती हाती लागण्याची शक्यता आहे. आधीच रियाच्या चौकशीतून जी माहिती मिळत आहे त्याआधारे एनसीबीच्या कारवाईला वेग आलेला आहे. ड्रग्ज डीलर अनुज केशवानी, गौरव आर्या यांनीही महत्त्वाची महिती दिली असून गोवा व मुंबईत अनेक ठिकाणी छापे टाकून चौकशी करण्यात येत आहे.

दरम्यान, रियाने चौकशीत सारा अली खानचं नाव घेतल्याचंही सूत्रांचं म्हणणं आहे. सारा आणि मी एकाच डीलरकडून ड्रग्ज खरेदी करायचो. साराने अनेकदा या डीलरकडून ड्रग्ज घेतलं आहे व त्याबाबत मला सांगितलं आहे, असा दावाही रियाने केल्याचे सूत्रांचे म्हणणे आहे. त्यामुळे साराला समन्स बजावून पुढील आठवड्यात कार्यालयात बोलावून चौकशी केली जाणार असल्याचे सूत्रांचे म्हणणे आहे. मुख्य म्हणजे अनुज केशवानीनेही साराचं नाव घेतलं आहे. साराला आपण गांजा पुरवल्याचे अनुजने तपासात सांगितल्याचे सूत्रांचे म्हणणे आहे. सारा व बॉलिवूडमधील आणखीही काही जण अनुजच्या संपर्कात होते, असे स्पष्ट होत आहे. शिवाय त्याने दिलेल्या माहितीवरून अर्धा किलो गांजा जप्त करण्यात आला असून तपासाचा वेग आणखी वाढवण्यात आला आहे.

वाचा: रिया चक्रवर्तीची सुटका नाहीच, न्यायालयाने दुसऱ्यांदा फेटाळला जामीन



Source link

Leave a Reply

Your email address will not be published. Required fields are marked *