Sebi New Circular for Multi Cap Fund: सेबीचे नवे निर्देश; मल्टी कॅप म्युच्युअल फंडांची गुंतवणूक होणार पारदर्शक – sebi’s new circular make multi cap mutual fund’s more transparent


मुंबई : म्युच्युअल फंडातील गुंतवणुकीला अधिक पारदर्शक करण्याच्या दृष्टीने भांडवली बाजार नियंत्रक सेबीने (SEBI’s new circular on asset allocation for multicap funds) एक महत्वाचा निर्णय घेतला आहे. सेबीने (Sebi) मल्टी कॅप (Multi Cap Funds) म्युच्युअल फंड योजनांमधील गुंतवणूक नियमात सुधारणा केली आहे. त्यानुसार आता फंड कंपन्यांना किंवा व्यवस्थापकांना पूर्वीसारखे मल्टी कॅप योजनेतील निधी केवळ लार्जकॅपमध्ये मोठ्या प्रमाणात गुंतवणूक करता येणार नाही. त्याऐवजी ७५ टक्के निधी हा इक्विटी आणि इक्विटीशी संबधित गुंतवणूक पर्यायांमध्ये गुंतवावा लागेल. याआधी ही मर्यादा ६५ टक्के होती. येत्या जानेवारीपासून ही नियमावली लागू होणार आहे. दरम्यान, या नव्या सुधारणेचे पडसाद सोमवारी बाजारात उमटतील, अशी शक्यता जाणकारांनी व्यक्त केली आहे.

सोने-चांदीचा भाव ; आठवडाभरात इतके स्वस्त झाले सोने
बाजारातील आर्थिकदृष्ट्या भक्कम असलेल्या लार्जकॅप शेअर्समध्ये मल्टी कॅप फंड योजनांचा सर्वाधिक निधी गुंतवण्यात येत असल्याचे सेबीच्या निर्दशनात आले होते. लार्जकॅपमध्ये या योजनांचे गुंतवणूक प्रमाण वाढले होते. मात्र त्याला मर्यादा घालण्याचा निर्णय सेबीने घेतला आहे. शुक्रवारी सेबीने हा अध्यादेश काढला असून त्यात मल्टी कॅप म्युच्युअल फंड योजनांनी आता समतोल गुंतवणूक करावी असे निर्देश देण्यात आले आहेत. त्यामुळे मल्टी कॅप योजनांची गुंतवणूक पारदर्शक होईल.

वाचा : हॉटेल व्यासायिकांची कोंडी ;धंदा ठप्प आणि परवाना शुल्काची टांगती तलवार
म्युच्युअल फंड व्यवस्थापकांसाठी आता गुंतवणूक पॅटर्न ठरवणे आणि चांगली मध्यम कंपनी (Mid Cap) शोधण्याचे आव्हान असेल. यापूर्वी बहुतांश मल्टी कॅप फंड त्यांचा जास्तीत जास्त निधी लार्ज कॅपमध्ये गुंतवायचे, मात्र आता तसे करता येणार नाही, असे म्युच्युअल फंड गुंतवणुकीचा आॅनलाइन प्लॅटफाॅर्म असलेल्या ‘इन्व्हेस्टिका’च्या (Investica) संशोधन विभागाच्या व्यवस्थापक सायली खांडके यांनी सांगितले. त्या पुढे म्हणाल्या की, सेबीच्या या नियमाने म्युच्युअल फंडातील गुंतवणूक आणखी पारदर्शक होईल. तसेच स्मॉल कॅप आणि मिड कॅप शेअर्समधील गुंतवणुकीचा ओघ वाढेल.

सेन्सेक्स मंचावरील १५ ते ३० स्टॉक लार्जकॅप आहेत. बाजार भांडवलानुसार पहिल्या १०० कंपन्या लार्ज कॅपमध्ये गणल्या जातात. १०१ ते २५० कंपन्या मिड कॅप आणि २५० हुन पुढील कंपन्या स्मॉल कॅप आहेत.

वाचा : डीमॅट खाते उघडताय; ‘या’ महत्वाच्या गोष्टी लक्षात ठेवा
ऑगस्टअखेर मल्टी कॅप फंड योजनांकडील गुंतवणूक १.४५ लाख कोटी आहे. जानेवारीपासून फंड कंपन्यांना सेबीच्या नव्या नियमानुसार गुंतवणूक निधीचे वर्गीकरण करावं लागेल. ज्यात २५ टक्के स्मॉल कॅप, २५ टक्के मिड कॅप , २५ टक्के लार्ज कॅप आणि उर्वरित २५ टक्के इतर पर्यायांमध्ये गुंतवणूक करावे लागतील. नव्या नियमाने स्मॉल कॅप आणि मिड कॅपमध्ये जवळपास ३०००० ते ३५००० कोटींचा अतिरिक्त निधी येईल, असा अंदाज त्यांनी व्यक्त केला.



Source link

Leave a Reply

Your email address will not be published. Required fields are marked *