Devendra Fadnavis: Eknath Khadse : कन्येची शपथ घेऊन फडणवीसांनी राज्यपालपदाची ऑफर दिली होती; खडसेंचा गौप्यस्फोट – bjp leader eknath khadse slams again devendra fadnavis


मुंबई: मंत्रिपदाचा राजीनामा दिल्यानंतर तत्कालीन मुख्यमंत्री आणि भाजप नेते देवेंद्र फडणवीस यांनी मला राज्यपालपदाची ऑफर दिली होती. त्यांनी त्यांच्या कन्येची शपथ घेऊन मला राज्यपाल करणार असल्याचं सांगितलं होतं, असा गौप्यस्फोट भाजपचे ज्येष्ठ नेते एकनाथ खडसे यांनी केला आहे.

मी विधानसभेत असताना देवेंद्र फडणवीस यांनी मला त्यांच्या अँटिचेंबरमध्ये बोलावलं होतं. त्यावेळी त्यांनी मला राज्यपालपदाची ऑफर दिली होती. त्यावेळी मला काही राज्यपालपदाची इच्छा नाही असं मी त्यांना सांगितलं. तेव्हा मुलीची शपथ घेऊन सांगतो, तुम्हाला राज्यपाल करणार आहोत आणि पक्षश्रेष्ठीची त्याला संमती असल्याचं फडणवीसांनी म्हटलं होतं, असं खडसे यांनी म्हटलं आहे. एबीपी माझा या वृत्तवाहिनीला दिलेल्या मुलाखतीत खडसे यांनी हा गौप्यस्फोट केला.

राज्यपाल पद मिळाले नाही. त्यानंतर फडणवीस यांनी मला पुन्हा राज्यसभेत पाठवणार असल्याचं सांगितलं. राज्यातून राज्यसभेसाठी कुणीही जाणार नाही. फक्त तुमचंच नाव पाठवणार आहोत आणि तुमचं नाव पाठवण्यास पक्षश्रेष्ठींची काहीच हरकत नसल्याचंही फडणवीस यांनी सांगितलं होतं. पण नंतर चार दुसरीच नावं आली, असंही त्यांनी सांगितलं.

माझ्याकडे काही पुरावे आणि फोटोग्राफ्स आहेत. ही माहिती उघड केली तर धक्का जरूर बसेल, असा दावाही त्यांनी केला. त्यामुळे खडसेंकडे कोणते पुरावे आहेत? याबाबत तर्कवितर्क लढवले जात आहे.

Eknath Khadse: महाराष्ट्रात केलं ते बिहारात करू नका!; फडणवीसांवर खडसेंचे हल्ले सुरूच

Eknath Khadse: फडणवीस-अजितदादांच्या चार दिवसांच्या संसारावर खडसेंची फटकेबाजी!

मी पुन्हा येणार ही फक्त फडणवीसांची घोषणा

मी पुन्हा येईन, मी पुन्हा येईन… ही घोषणा विधानसभा निवडणुकीत देण्यात आली. ही घोषणा भाजपची नव्हती. ती सुधीर मुनगंटीवार किंवा इतर कुणाचीही नव्हती. ती घोषणा फक्त फडणवीसांचीच होती, असा टोलाही त्यांनी लगावला. प्रमोद महाजन-गोपीनाथ मुंडे यांच्याकाळात विरोधी पक्ष म्हणून आम्ही एक दिलाने काम करायचं. महाजन-मुंडेंनी काही प्रश्न हाती घेतला तर भाजपचे सर्वच नेते मोहोळ उठवायचे. त्यातून वातावरण निर्मिती व्हायची. आजच्या भाजपमध्ये ते चित्रं पाह्यला मिळत नसल्याचंही त्यांनी सांगितलं. आपण मुख्यमंत्रिपदाचे दावेदार होतो म्हणूनच आपल्याला खड्यासारखे बाजू केल्याची खदखदही त्यांनी बोलून दाखवली.

amruta Fadnavis : एकनाथ खडसेंची टीका; अमृता फडणवीस यांनी दिलं ‘हे’ प्रत्युत्तर



Source link

Leave a Reply

Your email address will not be published. Required fields are marked *