पोप फ्रान्सिस: जेवण आणि सेक्स म्हणजे ‘दिव्य आनंद’!; पोप फ्रान्सिस यांचा दावा – pleasures of food and sex simply divine says pope francis


व्हॅटिकन सिटी: ख्रिश्चनांचे सर्वोच्च धर्मगुरू पोप फ्रान्सिस यांनी केलेला अजब दावा सध्या चर्चेचा विषय ठरला आहे. जेवण आणि सेक्स दिव्य आनंद असल्याचे त्यांनी सांगितले. हा आनंद थेट ईश्वराकडून प्राप्त होतो असेही त्यांनी सांगितले. कार्लो पेट्रिनी यांच्या TerraFutura या पुस्तकासाठी दिलेल्या मुलाखतीत त्यांनी हे विधान केले.

पोप फ्रान्सिस हे सुधारणावादी, उदारमतवादी धर्मगुरू समजले जातात. याआधी चर्चने जेवण आणि सेक्स या विषयावर दिलेल्या मतांचा त्यांनी निषेध केला. त्यावेळी व्यक्त झालेली मते ही अत्याधिक नैतिकता असल्याचे त्यांनी सांगितले. ज्याच्यामुळे मोठे नुकसान झाले असल्याचे त्यांनी म्हटले. जेवणामुळे होणारा आनंद हा आपल्या आरोग्यदायी करतो. त्याच प्रकारे लैंगिक संबंधदेखील प्रेमाला अधिक सुंदर बनवण्याची आणि प्रजननाची खात्री देत असल्याचे त्यांनी म्हटले. जेवणाचा आनंद आणि लैंगिक सुख हे ईश्वराकडून मिळत असल्याचे पोप यांनी म्हटले.

पोप फ्रान्सिस यांचा सेक्सबद्दलचा दृष्टीकोण मागील काही वर्षात बदलला आहे. त्यांनी २०१६ मध्ये लैंगिक संबंधाच्या आनंदाची बाब स्वीकार केली. विवाहित जोडप्यांना आपल्या लग्नाच्या वेळी असणारा आनंद कायम ठेवण्याची आवश्यकता आहे. त्यानंतर त्यांनी पुढे २०१८ मध्ये लैंगिक संबंधाला एक पुरुष आणि एक महिले दरम्यान भावूक प्रेमाचा संकेत असल्याचे म्हटले होते. पोप फ्रान्सिस यांनी या पुस्तकाच्या Dialogues with Pope Francis on Integral Ecology भागात म्हटले की, चर्चने नेहमीच अमानवीय, क्रूर, अशिष्ट आनंदाची निंदा केली आहे. तर, दुसरीकडे नेहमीच मानवीय, नैतिक सुखाला स्वीकार केले आहे.

वाचा: करोना: पाकिस्तानकडून जगाने शिकावं; WHOचा सल्ला!

वाचा: करोना: १५० हून अधिक लशींवर संशोधन; ‘अशी’ आहे लस विकसित करण्याची पद्धत
उदारमतवादी पोप

ऑगस्ट महिन्याच्या सुरुवातीला पोप फ्रान्सिस यांनी पहिल्यांदा व्हॅटिकन सिटीच्या कॅथोलिक चर्चच्या मुख्य पदांवर पहिल्यांदाच सहा महिलांची नियुक्ती केली. आतापर्यंत व्हॅटिकन सिटीच्या १५ सदस्यांच्या काउंसिल ऑफ इकॉनॉमीमध्ये सर्वच पुरुष होते. व्हॅटिकनच्या कायद्यानुसार, या काउंसिलमध्ये आठ पुरूष बिशप सहभागी असतात. उर्वरित सात सदस्यांमध्ये आतापर्यंत पुरुषांचीच संख्या बहुसंख्य राहिली आहे.

वाचा: पाकिस्तानच्या नावाशिवाय तुझी लढाई लढ; कंगनाला सल्ला

वाचा: ‘या’ देशात होणार गोहत्या बंदी, पण मांस खाण्यास परवानगी!

महिलांची प्रमुख पदांवर नियुक्ती करण्याचे त्यांनी आश्वासन दिले होते. हे आश्वासन पूर्ण करण्यासाठी पोप फ्रान्सिस यांनी केलेली नियुक्ती महत्त्वपूर्ण पाऊल आहे. व्हॅटिकन सिटीच्या इतिहासात आतापर्यंत महिलांची नियुक्ती एवढ्या प्रमाणात करण्यात आली नव्हती. व्हॅटिकनच्या सर्व आर्थिक बाबींवर देखरेख ठेवणाऱ्या समितीवर या सहा महिलांची नियुक्ती करण्यात आली आहे.



Source link

Leave a Reply

Your email address will not be published. Required fields are marked *