Sensex down: शेअर बाजार ; सेन्सेक्स आणि निफ्टीत झाली घसरण – sensex-nifty fall today


मुंबई : भारत आणि चीनमधील लष्करी तणाव , अमेरिका-चीनमधील व्यापारी संघर्ष आणि करोना रुग्णांची वाढती संख्या यामुळे शेअर बाजारात नकारात्मक वातावरण निर्माण झाले आहे. आज शुक्रवारी सकाळच्या सत्रात सेन्सेक्स आणि निफ्टीमधील तेजीला ब्रेक लागला आहे. दोन्ही निर्देशांक घसरणीसह ट्रेड करत आहेत.

बाजारात एल अँड टी, टेक महिंद्रा, एचडीएफसी, ऍक्सिस बँक, एनटीपीसी, ओएनजीसी, एशियन पेंट्स , रिलायन्स, नेस्ले, एचसीएल टेक, इन्फोसिस आदी शेअरमध्ये घसरण झाली आहे. तर कोटक बँक, बजाज ऑटो, टाटा स्टील, एचडीएफसी बँक, टायटन, मारुती, भरती एअरटेल, आयसीआयसीआय बँक, पॉवरग्रीड आदी शेअर वधारले आहेत.

अंबानींची कमाल ;’रिलायन्स’चे बाजार भांडवल ऐकून व्हाल थक्क!
सेन्सेक्समध्ये सकाळी २० अंकाची वाढ झाली होती. मात्र त्यात घसरण सुरु झाली. सध्या तो ५० अंकांनी घसरला असून ३८८४० अंकांवर आहे. निफ्टी ११४७५ अंकांवर आहे. गुरुवारी दोन्ही मुख्य भांडवल बाजारांत आनंदाचे वातावरण दिसले. मुंबई शेअर बाजाराचा निर्देशांक सेन्सेक्स ६४६.४० अंकांची उसळी घेत ३८,८४०.३२ या पातळीवर गेला. सेन्सेक्समध्ये एकूण १.६९ टक्के वाढ झाली. सेन्सेक्स ठरवणाऱ्या कंपन्यांपैकी रिलायन्स इंडस्ट्रीजच्या बाजारमूल्यामध्ये मोठी वाढ झाल्याचा हा परिणाम मानला जात आहे.

सराफा ; जाणून घ्या आज किती रुपयांनी स्वस्त झाले सोने
सेन्सेक्सप्रमाणेच राष्ट्रीय शेअर बाजाराचा निर्देशांक निफ्टीदेखील १७१.२५ अंकांनी वर जात ११,४४९.२५ या स्तरावर स्थिरावला. सेन्सेक्सच्या ३० कंपन्यांपैकी अर्थातच रिलायन्स इंडस्ट्रीजला सर्वाधिक फायदा झाला. कंपनीचे बाजारमूल्य वधारत १४,६६,५८९.५३ कोटी रुपये (१९९.६४ अब्ज डॉलर) झाल्याचे दुपारच्या सत्रात स्पष्ट झाले. कंपनीचा समबाग ७ टक्के वधारला होता.

‘EMI Moratorium’; तारीख पे तारिख, कर्जदारांना तूर्त दिलासा
अमेरिकास्थित प्रायव्हेट इक्विटी कंपनी सिल्व्हर लेकने बुधवारी रिलायन्स इंडस्ट्रीजच्या रिटेल व्यवसायातील १.७५ टक्के हिस्सा खरेदी केल्याची घोषणा केली होती. ही हिस्साविक्री सुमारे ७,५०० कोटी रुपयांची झाली. त्यामुळेही कंपनीचे बाजारमूल्य वाढण्यास चालना मिळाली. दिवसभरात मुंबई शेअर बाजारात रिलायन्स इंडस्ट्रीजचा समभाग ८.४५ टक्के वर जात प्रति समभाग २,३४३.९० रुपये या किंमतीवर गेला. राष्ट्रीय शेअर बाजारात तो ८.४९ टक्के वधारत आजवरच्या सर्वाधिक २,३४४.९५ रुपये या किंमतीवर गेला.

अमेरिकी डॉलरच्या तुलनेत गुरुवारी भारतीय रुपया नऊ पैशांनी सक्षम होत ७३.४६ या पातळीवर बंद झाला. देशातील भांडवल बाजार सकारात्मक राहिल्याचा फायदा रुपयाला मिळाला आणि रुपयापुढे डॉलर काहीसा क्षीण झालेला दिसला. विदेशी चलन बाजार उघडला त्यावेळी रुपया ७३.४२ या स्तरावर होता. बाजार बंद होताना तो ७३.४६ वर स्थिरावला.



Source link

Leave a Reply

Your email address will not be published. Required fields are marked *