monsoon session of Parliament: ऐतिहासिक! लोकसभेच्या १११ खासदारांसाठी राज्यसभेत आसने – monsoon session of parliament,111 lok sabha mps will have to sit in rajya sabha due to covid norms


म. टा. विशेष प्रतिनिधी, नवी दिल्ली

अभूतपूर्व करोना संकटाच्या पार्श्वभूमीवर येत्या सोमवारपासून सुरू होत असलेले संसदेचे पावसाळी ऐतिहासिक ठरेल, असे मत गुरुवारी लोकसभा अध्यक्ष ओम बिर्ला यांनी व्यक्त केले. या अधिवेशनात करोना संसर्गामुळे सुरक्षित वावर निश्चित करण्यासाठी लोकसभेच्या १११ खासदारांना राज्यसभेत बसावे लागणार आहे.

बिर्ला यांनी लोकसभेत सुरक्षित वावरासह खासदारांच्या आसन व्यवस्थेला गुरुवारी अंतिम स्वरूप दिले. करोना संकटामुळे सुरक्षित अंतर राखून लोकसभेच्या ५४५ खासदारांची आसन व्यवस्था करण्यात आली आहे. या व्यवस्थेनुसार लोकसभेच्या सभागृहात २५७ खासदार, लोकसभेतील पाहुण्यांच्या कक्षात १७२ खासदार, राज्यसभेत ६० खासदार आणि राज्यसभेतील विविध कक्षांमध्ये ५१ खासदार बसतील. करोनामुळे सुरक्षित अंतर पाळावे लागणार असल्याने लोकसभेच्या इतिहासात प्रथमच लोकसभेचे १११ खासदारांना राज्यसभेत बसावे लागेल.

सर्व राजकीय पक्षांसोबत या व्यवस्थेविषयी आम्ही चर्चा केली असून लोकसभेतील संख्याबळानुसार आसने बहाल करण्यात आले आहेत. आपल्या पक्षाच्या सदस्यांनी कुठे बसावे हे सभागृहातील प्रत्येक पक्षाचा नेत्याला ठरवायचे आहे, असे बिर्ला यांनी सांगितले. १४ सप्टेंबर रोजी पहिल्या दिवशी लोकसभेचे कामकाज सकाळी ९ ते १ दरम्यान, तर राज्यसभेचे कामकाज दुपारी ३ ते ७ दरम्यान चालेल. मात्र, त्यानंतर राज्यसभेचे कामकाज सकाळी ९ ते १ आणि लोकसभेचे कामकाज दुपारी ३ ते ७ दरम्यान चालेल. शनिवार, रविवारीही संसदेचे अधिवेशन चालणार आहे.

वाचा :पॅन्गाँग सरोवराजवळ तणावात भर; सीमेवर भारतीय बोर्फार्स तैनात
वाचा :‘बंगाली ब्राह्मण महिला’ रिया चक्रवर्तीच्या समर्थनार्थ काँग्रेस

पावसाळी अधिवेशनापूर्वी सर्व खासदारांची करोना चाचणी करण्यात येईल. सर्व खासदारांची हजेरी मोबाइल अॅपच्या माध्यमातून नोंदविली जाईल. संसदेच्या इतिहासात प्रथमच सर्व सदस्यांना ऑनलाइन प्रश्न पाठविण्यात आले असून लोकसभेच्या कामकाजाला आतापर्यंत ६२ टक्के डिजिटल स्वरूप देण्यात यश लाभले आहे. सरतेशेवटी आम्ही शंभर टक्के डिजिटल कामकाज करू, असा विश्वास बिर्ला यांनी व्यक्त केला.

लोकसभा आणि राज्यसभेच्या सचिवालयांनी दिलेल्या व्यापक मार्गदर्शक तत्त्वांनुसार खासदारांच्या निकटस्थांमध्ये त्यांचे स्वीय सहायक, सचिव, ड्रायव्हर, घरातील सहायकांचा समावेश आहे. १४ सप्टेंबरपासून सुरू होणाऱ्या पावसाळी अधिवेशनाच्या ७२ तास आधी खासदारांना आपल्या मतदारसंघांमध्ये किंवा संसद भवन परिसरात करोना चाचणी करावी लागेल. अहवाल निगेटिव्ह आल्यावरच त्यांना कामकाजात भाग घेता येईल. खासदार किंवा त्यांच्या निकटस्थांचा अहवाल पॉझिटिव्ह आल्यास अशा सदस्यांचा उच्च धोक्याच्या श्रेणीत समावेश करण्यात येईल. त्यांना डॉक्टरांचा सल्ला आणि रुग्ण व्यवस्थापनाच्या शिष्टाचारानुसार १४ दिवसांच्या विलगीकरणात किंवा रुग्णालयात दाखल व्हावे लागेल.

मास्क, सॅनिटायझर सज्ज

पावसाळी अधिवेशनात दोन्ही सभागृहांच्या खासदारांसह सुमारे साडेचार हजार कर्मचारी सहभागी होणार असून त्यांच्यासाठी मास्क, हातमोजे, सॅनिटायझर्स, चेहरा झाकण्याचे आवरणासह सर्व प्रकारची सज्जता करण्यात आली आहे.

वाचा :चिंताजनक उच्चांक! २४ तासांत आढळले ९६,५५१ करोना रुग्ण
वाचा :भारत चीन तणाव : द्विपक्षीय परराष्ट्र मंत्र्यांच्या बैठकीत पाच मुद्यांवर सहमती



Source link

Leave a Reply

Your email address will not be published. Required fields are marked *