india news News : भारतीय सैन्यदल कोणत्याही स्थितीचा सामना करण्यास तयार: बिपिन रावत – indian army is ready for any situation says general bipin rawat amidst india china clash


नवी दिल्ली: देशाचे सशस्त्र दल कोणत्याही स्थितीचा सामना करण्यासाठी तयार आहेत, असे वक्तव्य देशाचे संरक्षण प्रमुख जनरल बिपिन रावत (General Bipin Rawat) यांनी भारत-चीनदरम्यान (India-China Clash) वाढत चाललेल्या तणावाच्या पार्श्वभूमीवर केले आहे. संसदेच्या संरक्षणविषयक स्थायी समितीच्या बैठकीत जनरल रावत यांनी हे वक्तव्य केले आहे. चीन सैनिकांनी भारतीय सैनिकांना डिवचण्याची कारवाई केल्यानंतर सीमेवर तणावाची स्थिती निर्माण झाली आहे.

प्रत्यक्ष नियंत्रण रेषेजवळ यथास्थितीत बदल करण्याचा चीनचा कोणताही प्रयत्न हाणून पाडण्यासाठी भारतीय लष्कराने योग्य ती पावले उचलली असल्याचे जनरल रावत यांनी सांगितले. आमचे जवान सावध आहेत आणि के सीमेवर करण्यात येणाऱ्या कोणत्याही कारवाईला सडेतोड उत्तर देतील, असेही रावत म्हणाले. रावत यांनी या महिन्याच्या सुरुवातीला यूएस-इंडिया स्ट्रॅटेजिक पार्टनरशिप फोरमच्या वेळी अशाच प्रकारचे विचार मांडले होते. रशियातील मॉस्को येथे गुरुवारी भारत आणि चीनच्या परराष्ट्र मंत्र्यांची एक बैठक पार पडली होती.

परराष्ट्र मंत्र्यांच्या या बैठकीनंतर दोन्ही देशांनी पूर्व लडाखमध्ये सुरू असलेल्या दोन्ही देशांमधील तणावावर मार्ग काढण्यासाठी पंचसूत्री योजनेवर सहमती झाली आहे. यात आतापर्यंत झालेली सहमती आणि प्रोटोकॉलचे पालन, शांतता कायम राखणे आणि तणाव वाढवणारी कोणतीही कारवाई टाळणे अशा महत्त्वाच्या मुद्यांचा समावेश आहे. या बैठकीनंतर परराष्ट्र मंत्रालयाने शुक्रवारी एक संयुक्त निवेदन प्रसिद्ध केले. यात दोन्हीकडील पक्षांनी एकूण ५ मुद्द्यांवर सहमती दर्शवली असल्याचे म्हटले आहे. सीमावर्ती भागात असलेली विद्यमान स्थिती कोणच्याही हिताची नाही. यामुळे दोन्ही सैन्यदलांनी आपली चर्चा सुरूच ठेवली पाहिजे, उचित अंतर राखले पाहिजे आणि तणाव मकमी करण्याच्या दृष्टीने पावले उचलली गेली पाहिजेत, अशा मुद्द्यांवर दोन्ही पक्ष सहमत असल्याचे या निवेदनात म्हटले आहे.

क्लिक करा आणि वाचा- जवान आणि अधिकाऱ्यांचे भोजन वेगळे का?; राहुल गांधींचा सवाल

दोन्ही पक्षांमध्ये भारतीय वेळेनुसार रात्री आठ वाजल्यानंतर काही वेळाने चर्चा सुरू झाली आणि ती सुमारे दोन तास चालली. सीमेवरील तणाव कमी करणे आणि वादग्रस्त ठिकाणांहून सैनिकांनी माघारी परतावे हाच या चर्चेचा उद्देश होता.

क्लिक करा आणि वाचा- उद्यापासून सुरू होतायत ८० विशेष ट्रेन; प्रवासापूर्वी जाणून घ्या ‘या’ गोष्टी!

क्लिक करा आणि वाचा- रुग्णवाहिकांनी करोनारुग्णांकडून उचित भाडे आकारावे; सुप्रीम कोर्टाचे निर्देश



Source link

Leave a Reply

Your email address will not be published. Required fields are marked *