india news News : उद्यापासून सुरू होतायत ८० विशेष ट्रेन; पाहा, प्रवासापूर्वी ‘या’ गोष्टी जाणून घ्या! – indian railway to start 80 special trains from 12 september see guidelines for passengers


नवी दिल्ली: ७ सप्टेंबरपासून मेट्रो सुरू करण्यात आली असून भारतीय रेल्वेने (Indian Railway Starts) देखील १२ सप्टेंबरपासून ८० विशेष ट्रेन सुरू करत आहे. यासाठी १० सप्टेंबरपासून तिकीट बुकिंग (Railway Ticket Booking) सुरू होत आहे. या सर्व गाड्या आरक्षित असणार आहेत आणि यांमध्ये तिकीट कन्फर्म झाल्याशिवाय प्रवासी प्रवास करू शकणार नाही. हे पाहता प्रवाशांना प्रवास करण्यासाठी आरक्षण करावे लागेल हे स्पष्ट आहे. (indian railway to start 80 special trains from 12 september)

तुम्हाला जर लांब पल्ल्याच्या गाडीतून प्रवास करायचा असेल, तर काही आवश्यक गोष्टींची काळजी घ्यावी लागणार आहे. जर तु्म्हाला प्रवास करायचा असेल तर सर्वप्रथम तुम्हाला आरक्षण करावे लागणार आहे. तुम्ही तुमचे तिकीट कसे आरक्षित करू शकता हे पाहणे, म्हणूनच महत्वाचे ठरणार आहे. पाहुया या त्यासाठी काय करावे लागेल?…

१. सर्वप्रथम तुम्हाला irctc.co.in वर जावे लागेल. किंवा त्याचे अॅप डाउनलोड करावे लागेल. किंवा मग IRCTC च्या वेबसाइटवर जाऊन IRCTC चे अकाउंट बनवावे लागेल

२. या नंतर तुम्हाला नाव, पासवर्ड, पसंतीची भाषा, नाव जन्म तारिख, मोबाइल क्रमांक, ईमेल, पत्ता इत्यादी माहिती द्यावी लागेल. यानंतर सबमिटवर क्लिक करावे लागेल. यानंतर तुमचे IRCTC अकाउंट तयार होईल.

३. तुम्ही तिकीट खिडकीवरूनही तिकीट खरेदी करू शकता. मात्र, करोनाचे संकट पाहता घरी बसूनच तिकिट बुक केलेले केव्हाही चांगले. ज्यांच्याकडे इंटरनेटची सुविधा नाही, ते तिकीट खिडकीवर तिकीट खरेदी करू शकतात.

४. तुम्ही बेवसाइटवर बुक युवर पेजवर गेल्यानंतर तेथे तुम्ही कुठून कुठे प्रवास करू इच्छिता, कोणत्या दिवशी प्रवास करू इच्छिता आणि कोणत्या वर्गाचा प्रवास करू इच्छिता, यासाठीचे पर्याय निवडा. त्यानंतर तिकिट बुकिंगसाठी पुढे जा.

५. लॉगइन केल्यानंतर तुम्ही विशेष ट्रेनची उपलब्धता पाहू शकता. त्यानंतर ई-पेमेंटच्या माध्यमातून तिकीट बुक करू शकता. या दरम्यान तुम्हाला एक एसएमएस येईल.

६. हे तिकीट घेऊन तुम्ही पूर्णपणे सावधगिरीने रेल्वेची मार्गदर्शक तत्त्वे लक्षात घेत रेल्वे स्थानकात प्रवेश कराल. तुमच्या तिकीटानुसार तुमच्या जागेवर जाऊन बसाल.

प्रवास करण्यासाठी प्रवाशांना काही नियमांचे पालन करावे लागणार आहे. (Train Guidelines For Passengers)

१. रेल्वेच्या मार्गदर्शक तत्त्वांनुसार, रेल्वे स्थानकावर फक्त कन्फर्म तिकिटाद्वारेच प्रवेश दिला जाईल.

२. प्रवाशांना प्रवास सुरू करण्याच्या ९० मिनिटे अगोदार रेल्वे स्थानकात पोहोचावे लागेल. थर्मल स्क्रीनिंगची प्रक्रिया पूर्व करता यावी हा
यामागील उद्देश आहे.

३. प्रवास करण्यासाठी सर्व प्रवाशांना आरोग्य सेतु अॅप डाउनलोड करावा लागेल.

४. प्रवासादरम्यान ब्लँकेट, चादर, पडदे रेल्वेतर्फे उपलब्ध केले जाणार नाहीत.

५. ट्रेनमध्ये चढताना वेळ आणि प्रवासादरम्यान शारीरिक अंतराचे नियम पाळणे गरजेचे आहे.

६. रेल्वे स्थानकांवर सर्व प्रवाशांची थर्मल स्क्रीनिंग होईल. तसेच Asymptomatic अर्थात करोना विषाणूची कोणतेही लक्षण न दिसणाऱ्या प्रवाशांनाच गाडीत प्रवेश दिला जाईल.

७. गाडीत प्रवेश करतेवेळी आणि प्रवासादरम्यान मास्क वापरणे बंधनकारक आहे. हा नियम न पाळल्यास तुम्हाला रेल्वे स्थानकात प्रवेश मिळणार नाही. प्रत्येक ठिकाणी तुम्हाला सॅनिटायझर मिळेल आमि तुम्ही सुरक्षेसाठी फेस शील्ड आणि ग्लोव्ह्ज देखील वापरू शकता.

क्लिक करा आणि वाचा- रुग्णवाहिकांनी करोनारुग्णांकडून उचित भाडे आकारावे; सुप्रीम कोर्टाचे निर्देश

पाहा, गाड्यांची यादी:

पाहा, ८० विशेष गाड्यांची यादी

क्लिक करा आणि वाचा- ‘मोदी सरकारने आपली १००० वर्ग किमी जमीन चीनला सोडली की काय?’

क्लिक करा आणि वाचा- ‘हिमाचलच्या कन्येविरुद्ध बदल्याची कारवाई करतंय महाराष्ट्र सरकार’



Source link

Leave a Reply

Your email address will not be published. Required fields are marked *