india-china border issue: ‘मोदी सरकारने आपली १००० वर्ग किमी जमीन चीनला सोडली की काय?’ – aimim chief asaduddin-owaisi ask whwther modi govt surrendered indias right to 1000 sq km of land


नवी दिल्ली: एआयएमआयएचे प्रमुख, खासदार असदुद्दीन ओवेसी (Asaduddin Owaisi) यांनी भारत-चीन सीमावादावर दोन्ही देशांच्या परराष्ट्र मंत्र्याच्या बैठकीनंतर प्रसिद्ध केलेल्या संयुक्त निवेदनानंतर मोदी सरकारवर (Modi Government) हल्लाबोल केला आहे. भारत-चीन तणावाच्या (India-China Clash) मुद्द्यावर परराष्ट्र मंत्री एस. जयशंकर (S. Jaishankar) आणि चीनचे संरक्षण मंत्री वांग यी यांनी मास्को येथे बुधवारी चर्चा केली. या चर्चेत तणाव कमी करण्यासाठी पाच कलमी योजनेवर सहमती झाली आहे. यानंतर काय मोदी सरकारने १००० वर्ग किलोमीटरची भारताची भूमीवरील अधिकार भारताने सोडून दिला आहे का?, परराष्ट्र मंत्र्यांनी चीनला एप्रिलपूर्वीच्या स्थितीत येण्यास का सांगितले नाही?, असे प्रश्न ओवेसी यांनी सरकारवर निशाणा साधताना विचारले.

मी परराष्ट्र मंत्र्यांचे संयुक्त निवेदन पाहिले आहे. परराष्ट्र मंत्री एस. जयशंकर यांनी चीनला लडाखमध्ये LAC वर एप्रिलच्या पूर्वीच्या स्थितीत परतण्याबाबत का सांगितले नाही किंवा मग चीन भारताच्या भूमीवर आलाच नाही या पंतप्रधान कार्यालयाच्या मताशी ते सहमत आहेत का, असा सवाल एका ट्विटद्वारे ओवेसी यांनी विचारला आहे.

ओवेसी यांनी या संदर्भात आणखी एक ट्विट केले आहे. मोदी सरकारने १००० वर्ग किलोमीटर भूमीवरील अधिकारी सोडून दिला आहे का?, सीमेवर तणाव सुरू असताना गुंतवणूक, मुत्सद्देगिरी आणि इतर सर्व गोष्टी सुरूच राहाव्यात असे चीनला वाटत आहे, मात्र भारत सरकारने यावर सहमत होता कामा नये, असे ओवेसी यांनी म्हटले आहे.

क्लिक करा आणि वाचा- भारत-चीनच्या परराष्ट्र मंत्र्यांमध्ये चालली अडीच तास बैठक, काय झाली चर्चा?

पाच मुद्यांवर दोन्ही देशांमध्ये झाली सहमती

१. भारत आणि चीनने आपल्या नेत्यांच्या मार्गदर्शनाखाली चर्चा पुढे न्यावी. ही चर्चा करत असताना मतभेदांचे रुपांतर वादात होऊ नये याची काळजी घ्यावी.

२. भारत-चीन सीमेवरील सध्याची परिस्थिती दोन्ही देशांसाठी योग्य नाही. हे पाहता लष्करी पातळीवरील चर्चा सुरू राहील आणि त्याद्वारे सीमेवर वाद निवळण्याबाबत वातावरण तयार केले जाईल.

३. दोन्ही देशांदरम्यान झालेल्या सहमतीचे पालन करावे आणि वातावरण शांतीपूर्ण ठेवण्याचा प्रयत्न करावा

४. सीमा वादावर विशेष प्रतिनिधींमध्ये चर्चा सुरू राहील

५. सीमेवर शांतता प्रस्थापित झाल्यानंतर दोन्ही देश आपापल्या संबंध असेच पुढे नेण्याचे प्रयत्न करतील

क्लिक करा आणि वाचा-रुग्णवाहिकांनी करोनारुग्णांकडून उचित भाडे आकारावे; सुप्रीम कोर्टाचे निर्देश

क्लिक करा आणि वाचा-पॅन्गाँग सरोवराजवळ तणावात भर; सीमेवर भारतीय बोर्फार्स तैनात



Source link

Leave a Reply

Your email address will not be published. Required fields are marked *