ashok soota make record again: ७७ वर्षांच्या उद्योजकाची कमाल; टाळेबंदीत आणला IPO, ५४ हजार कोटींची बोली – happiest minds technologies founder of ashok soota make record second time


मुंबई : माहिती तंत्रज्ञान आणि डिजिटल सेवा क्षेत्रात असणाऱ्या हॅपिएस्ट माइंड्स टेक्नालॉजिज लिमिटेड (Happiest Minds Technologies) ची समभाग विक्री योजनेला तुफान प्रतिसाद मिळाला आहे. ७०२ कोटींच्या शेअर्ससाठी तब्बल ५८२९४ कोटींचे खरेदीचे प्रस्ताव कंपनीला प्राप्त झाले आहेत. करोनाच्या आर्थिक संकटात अशा प्रकारची कामगिरी करण्याचे श्रेय कंपनीचे संस्थापक ७७ वर्षीय अशोक सूता (ashok soota) यांना जाते.

उद्यमशीलतेचा प्रचंड अनुभव असलेल्या अशोक सूता यांनी यापूर्वी १३ वर्षांपूर्वी अशीच कमाल केली होती. २००७ मध्ये त्यांनी माइंडट्रीचा आयपीओ आणला होता. त्यावेळी त्याला १०३ पट प्रतिसाद मिळाला होता. आता पुन्हा एकदा त्यांनी आपले नाणे खणखणीत असल्याचे सिद्ध केले आहे.

‘मनसे’चा बजाज फायनान्सला दणका ; कर्जदार रिक्षा मालकांना मिळाला दिलासा
”मला अनेकांनी आयपीओ पुढे ढकलण्याची सूचना केली होती. करोना संकट आणि भावंडली बाजारातील अस्थिरता यामुळे आयपीओला प्रतिसाद मिळणार नाही”, असा सल्ला दिला होता असे सूता यांनी सांगितले. मात्र माझ्या कंपनीच्या व्यवसाय पाहता मी नियोजित कार्यक्रमानुसार आयपीओ बाजारात आणला. कारण कंपनीच्या जवळपास ७६ टक्के महसुलावर करोनाचा कोणताही परिणाम होत नाही, असे अशोक सूता यांनी सांगितले.

समिती स्थापन; हे तीन तज्ज्ञ सोडवणार ‘EMI Moratorium’चा पेच
देशात डिजिटल सेवांची मागणी वाढत आहे. त्यामुळे हॅपिएस्ट माइंड्स टेक्नालॉजिजने मागील तीन वर्षात सरासरी २१ टक्के वृद्धी नोंदवली. तर याच काळात आयटी उद्योगाची केवळ ८ ते १० टक्के वाढ झाली, असे ते सांगतात. आयआयटी रुरकी येथून इंजिनिअरिंगची पदवी घेतलेल्या सूता यांनी श्रीराम रेफ्रिजरेशन इंडस्ट्रीज या कंपनीत सुरुवातीला काम केले. त्यांचातील हुनर बघून अझीम प्रेमजी यांनी त्यांना १९८५ मध्ये विप्रोमध्ये काम करण्याची ऑफर दिली. तब्बल १४ वर्षे अशोक सूता विप्रोचा चेहरा बनले होते. ते विप्रोचे उपाध्यक्ष बनले.

कमॉडिटी बाजारात नफावसुली ; सोने-चांदीचे भाव गडगडले
१९९९ मध्ये त्यांनी १० मित्रांसोबत माइंडट्रीची स्थापना केली. २००७ मध्ये माइंडट्रीच्या आयपीओला गुंतवणूकदारांनी तुफान प्रतिसाद दिला. मात्र मतभेदांमुळे त्यांनी कंपनीला रामराम ठोकला आणि २००१ मध्ये ६८ व्या वर्षी हॅपिएस्ट माइंड्स टेक्नालॉजिज लिमिटेड या कंपनीची मुहूर्तमेढ रोवली.

माहिती तंत्रज्ञान आणि डिजिटल सेवा क्षेत्रात असणाऱ्या हॅपिएस्ट माइंड्स टेक्नालॉजिज लिमिटेड (Happiest Minds Technologies) या कंपनीने प्राथमिक बाजारात समभाग विक्री (IPO) करून भांडवल उभारणीचा निर्णय घेतला. विशेष म्हणजे ग्रे मार्केटमध्ये या कंपनीचे शेअर ७५ टक्के अधिक दराने मिळत आहेत. तर आयपीओसाठी प्रती शेअर १६५ ते १६६ रुपये किंमतपट्टा निश्चित केला होता. एकूण ७०२ कोटींच्या आयपीओसाठी ५८२९४ कोटींची बोली लागली आहे. १५१ पट हा आयपीओ सबस्क्राईब झाला आहे. बऱ्याच कालावधीनंतर बाजारात चांगला आयपीओ आल्याने गुंतवणूकदारांनी प्रचंड प्रतिसाद दिला असल्याचे शेअर विश्लेषकांचे म्हणणे आहे.



Source link

Leave a Reply

Your email address will not be published. Required fields are marked *