Sonia Gandhi: संसद अधिवेशनाला सोनियांची अनुपस्थिती – sonia gandhi will not be present for parliament session


म. टा. विशेष प्रतिनिधी, नवी दिल्ली :

येत्या सोमवारपासून सुरू होत असलेल्या संसदेच्या पावसाळी अधिवेशनापूर्वीच काँग्रेस अध्यक्ष सोनिया गांधी वैद्यकीय उपचारांसाठी परदेशी रवाना होणार आहेत. नियमित तपासणी आणि उपचारांसाठी त्या परदेशात जात असल्याचे सूत्रांचे म्हणणे आहे. संसदेच्या अधिवेशनात त्या पूर्णवेळ अनुपस्थित राहतील असे सांगण्यात येत आहे. त्यांच्या गैरहजेरीत काँग्रेसचे माजी अध्यक्ष राहुल गांधी यांच्याकडे अनौपचारिकपणे पक्षाची सूत्रे असतील.

करोना संक्रमणाच्या पार्श्वभूमीवर अतिशय सावधगिरी बाळगून सुरू होत असलेल्या संसदेच्या १८ दिवसांच्या अधिवेशनात वाढत्या संसर्गामुळे बहुतांश राजकीय पक्षांचे बुजूर्ग सदस्य नियमितपणे भाग घेण्याची शक्यता कमी असल्याचे म्हटले जात आहे. तृणमूल काँग्रेसने पक्षाच्या ६५ वर्षांवरील सदस्यांना अधिवेशनात भाग न घेण्याच्या सूचना केल्या आहेत.

वाचा :दिवाळीच्या आधी उडणार बिहार विधानसभा निवडणुकीचा बार? काही दिवसांत होणार घोषणा
वाचा :‘आम्ही तुझ्यासोबत आहोत’, कठीण प्रसंगी कंगनाला भाजप नेत्याचा हात!

काँग्रेसच्या खासदारांचा या अधिवेशनात पूर्णवेळ सहभाग असेल. मात्र माजी पंतप्रधान डॉ. मनमोहन सिंग आणि ए. के. अँटनी यांच्यासह वयाची पासष्टी आणि सत्तरी पार केलेले काँग्रेस पक्षातील नेत्यांचा अधिवेशनाच्या दैनंदिन कामकाजातील सहभाग पूर्णवेळ नसेल. सभागृहात महत्त्वाची विधेयके असतील तेव्हाच ते उपस्थित राहण्याची शक्यता आहे. १४ सप्टेंबरला होणाऱ्या राज्यसभेच्या उपसभापतीपदाची निवडणूक झाल्यास बुजूर्ग सदस्य संसदेत मतदानासाठी येतील. पण त्यानंतर त्यांचा उर्वरित अधिवेशनातील सहभाग हा महत्त्वाच्या विधेयकांवर होणाऱ्या मतदानापुरता मर्यादित राहण्याची शक्यता आहे.

संसद भवनात लोकसभा आणि राज्यसभेचे कामकाज वेगवेगळ्या वेळांना होणार असून करोनासंसर्ग टाळण्यासाठी अनेक उपाययोजना करण्यात आल्या आहेत. राज्यसभेचे सभापती वेंकय्या नायडू यांनी बुधवारी पावसाळी अधिवेशनासाठी करण्यात आलेल्या विशेष व्यवस्थेचा आढावा घेतला. त्यांनी राज्यसभा सचिवालयातील कर्मचाऱ्यांना राज्यसभेचे सभागृह आणि चार गॅलऱ्यांमध्ये सुरक्षित अंतरावर बसवून कामकाजाचा सराव केला.

वाचा :कुठल्याही स्थितीत चिन्यांना सीमेत घुसू देऊ नका, भारतीय लष्कराचे कमांडर्सना आदेश
वाचा :ऑक्सफोर्ड करोना लसीची चाचणी थांबवली, का नाही कळवलं? सीरम इन्स्टिट्यूटला DCGI ची नोटीस



Source link

Leave a Reply

Your email address will not be published. Required fields are marked *